06 Mars 2021

Luis Suarez rezulton pozitiv në testin për koronavirusi

Madrid, 17 nëntor - Ylli uruguaian i klubit spanjoll Atletico Madrid, Luis Suarez, rezultoi pozitiv në testin për koronavirusi.

Asociacioni Uruguaian i Futbollit (AUF) përmes një kumtese konfirmoi gjendjen e sulmuesit 33-vjeçar.

Suarez ishte me ekipin kombëtar të Uruguait, që do të përballet me Brazilin në kualifikimet e Kupës Botërore FIFA 2022 në Amerikën e Jugut më 17 nëntor.

Portieri Rodrigo Munoz dhe zyrtari për media i ekipit kombëtar Matias Faral gjithashtu dolën pozitivë, por anëtarët e tjerë të ekipit ishin negativ në koronavirus.

Federata shtoi se që të tre tani janë mirë, por u morën masa për ta.

Suarez mund të humbasë ndeshjen e së shtunës në ligën spanjolle kundër ekipit të tij të vjetër Barcelona në Stadiumin "Wanda Metropolitano" në Madrid.

Në shtator, Suarez u transferua në Atletico Madrid për një sfidë të re në karrierën e tij, duke lënë Barcelonën.

Ai është golashënuesi i tretë kryesor i të gjitha kohërave për Barcelona, duke shënuar 198 gola në vitet 2014-2020.

Suarez e ndihmoi Barcelonën të fitonte titullin e Ligës së Kampionëve 2015 dhe katër trofe të La Ligës (2015, 2016, 2018 dhe 2019).

Ai gjithashtu fitoi edhe titulllin Copa America 2011 me kombëtaren e tij.

Kalendari

Ngjarjet e datës 6 Mars 2021 - Komuna e Klinës së bashku me Shoqatat e Dala nga Lufta e UÇK-së bëjn homazhe te varrezat e dëshmorëve të kombit te Kodra e Kuqe në Grabanicë. (Grabanicë, ora 9:00)  

- Presidentja e Republikës së Kosovës, dr. Vjosa Osmani Sadriu, do të bëj homazhe në Kompleksin Memorial “Adem Jashari” në Prekaz. (Prekaz, ora 9:00)

- Kryeministri në detyrë, Avdullah Hoti bën homazhe në Kompleksin Memorial “Adem Jashari”, në Prekaz. (Kompleksi Memorial “Adem Jashari”, Prekaz, ora 9:15)

 - Komuna e Klinës së bashku me Shoqatat e Dala nga Lufta e UÇK-së bëjn homazhe në Kompleksin Memorial “Adem Jashari” në Prekaz. (Prekaz, ora 9:50)

- Këshilli Organizativ për manifestimin e Epopesë së Ushtrisë Çlirimtare të Kosovës hap ekspozitë me fotografi. (Prekaz, ora 10:00)

- Komuna e Prizrenit bën homazhe të varrezat e dëshmorëve në Landovicë. (Landovicë, ora 10:00)

- Kolektivi i Marshojmë s'festojmë do të mbajë konferencë për media ku do të prononcohen rreth organizimit dhe manifestimit të 8 marsit 2021. (Amfiteatri në sheshin Zahir Pajaziti, ora 11:00)

- Mbahet turnir në volejboll në Skenderaj. (Skenderaj, ora 11:00)

-  Për nder të Epopesë së UÇK-së, një delegacion i Nismës Socialdemokrate do të bëj homazhe në Kompleksin Memorial “Adem Jashari” në Prekaz. (Prekaz, ora 11:00)

- Komuna e Prizrenti bën homazhe pranë lapitarit të Komandant Kumanovës - Ismet Jashari. (Në qënder të qytetit të prizrenit, ora 11:30)

- Këshilli Organizativ për manifestimin e Epopesë së Ushtrisë Çlirimtare të Kosovës organizon homazhe në të gjitha komplekset memoriale të Dëshmorëve të UÇK-së, ora 12:00

- Komuna e Prizrenti bën homazhe pranë lapidarit të Komandant Drinit - Ekrem Rexhes. (Përball Shtëpisë së Bardhë, ora 12:00)
 
- Presidentja e Republikës së Kosovës, dr. Vjosa Osmani Sadriu do të marrë pjesë dhe do të mbajë një fjalë në Ekspozitën me 59 fotografi, e cila do të mbahet në Prishtinë. (Sheshi “Skënderbeu”, ora 15:00)

- Presidentja e Republikës së Kosovës, dr. Vjosa Osmani Sadriu do të marrë pjesë dhe do të mbajë fjalim në Akademinë Përkujtimore në 23 vjetorin e rënies së Komandantit Legjendar, Adem Jashari dhe familjes Jashari. (Salla e Kuqe në Pallatin e Rinisë, ora 17:00)

- Kryeministri në detyrë, Avdullah Hoti merr pjesë në Akademinë Përkujtimore kushtuar “Epopesë së UÇK-së”. *Salla e Kuqe në Pallatin e Rinisë, ora 17:00)

- Qendra për Art dhe Komunitet - Artpolis organizon Performancen “A je çikë, a djalë?!”,  për të shënuar 8 Marsin-Ditën Ndërkombëtare të Gruas. (Teatri Oda në Prishtinë, ora 19:00)