12 Prill 2021

Lojërat Olimpike në Tokio do të mbahen pa spektatorë të huaj

Tokio, 20 mars - Organizatorët e Lojërave Olimpike dhe Paraolimpike të Tokios njoftuan sot se lojërat më të mëdha në botë do të mbahen pa spektatorë jashtë shtetit, duke pasur parasysh pandeminë COVID-19.

"Ne duhet të marrim vendime që mund të kenë nevojë për sakrificë nga të gjithë dhe duhet të kërkojmë mirëkuptim", tha Thomas Bach, shefi i Komitetit Olimpik Ndërkombëtar (KON).

Vendimi u mor sot gjatë një takimi virtual, njoftoi Kyodo News.

Pandemia e COVID-19 shtyu Lojërat Olimpike të Tokios 2020 deri në verën e këtij viti.

Në një takim virtual sot, krerët e pesë organeve organizuese, përfshirë KON, Komitetin Ndërkombëtar Paraolimpik, u takuan për të vendosur moslejimin ardhjes së spektatorëve në Japoni për lojërat.

Bach shtoi se prioriteti kryesor i organizatorëve është "të ofrojnë sigurinë për të gjithë pjesëmarrësit në lojëra dhe qytetarët në Japoni".

Pandemia ka shkaktuar shtyrjen e ngjarjeve të mëdha në mbarë botën ndërsa qeveritë përkatëse mbyllën kufijtë për të ndaluar përhapjen e infeksionit, i cili ka prekur mbi 123 milionë njerëz, përfshirë mbi 2,7 milionë vdekje që nga raportimi i parë në dhjetor të vitit 2019. 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)