06 Qershor 2020

Kosova me përfaqësuese të Futsallit në Kampionatin Europian

Prishtinë, 24 nëntor - Në Prishtinë në ambientet e Pallatit të Rinisë u mbajt tubimi i parë i udhëheqësve të futsallit të Kosovës, përkatësisht udhëheqësit e përfaqësueses së futsallit U-19, nën udhëheqjen e përzgjedhësve Ramadan Cimili e Suad Keçi.

Me këtë rast u mbajt edhe stërvitja e parë për t’u përzgjedhur 15 futsallistë që do të marrin pjesë në fund të janarit të vitit 2019 në kualifikime në Kampionatin Europian në San Remo të Italisë, ku do të janë në grup edhe Suedia e Qipro .

Pra, përfaqësuesja e Kosovës U-19 në futsall paraqitet të parën herë. Përzgjedhësit kanë ftuar të gjithë futsallistët e superligës dhe ligës së parë të Kosovës që prej tyre të bëhet përzgjedhja më e mirë, duke u dëshmuar lojtarët me sukseset e tyre të këtij sporti.

Shpresojmë se përfaqësuesja e Kosovës do të na përfaqësojë denjtësisht në Kampionatin Europian të futsallit që do të mbahet në San Remo të Italisë në fund të janarit të vitit që tashmë është afër. Të gjithë djemtë që marrin pjesë në Kampionat janë të lindur në vitin 2000.

Enver D. Halili, trajner i futbollit, i licencuar nga UEFA, cili merret me sport, ka thënë se ishte prezentë në këtë mbledhje për përzgjedhjen e pëfaqësueses së Kosovës në futsall.

“Isha prezent në takimin që u mbajt në Pallatin e Rinisë në Prishtinë për të përzgjedhur përfaqësuesen e Kosovës në futsall, ngase i dërgova tre futsallistë të mi”, ka thënë Halili.  /Ahmet Pllana
 
 

Kalendari

Ngjarjet e datës 6 Qershor 2020

- Mbahet mbledhja e Qeverisë së Kosovës. (Ndërtesa e Qeverisë, ora 10:00)

- Ministria e Infrastrukturës ndalon qarkullimin e automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes për shkak të zhvillimit të punimeve. (Segmenti “Konjuh-Babush” autoudha “Arbën Xhaferi”, ora 10:00)