22 Tetor 2020

Kondirolli, Emini dhe Jasiqi shpallen notarët më të mirë të Kosovës

Prishtinë, 24 shkurt - Federata e Notit të Kosovës (FNK) shpalli sportistët më të mirë të Kosovës për vitin 2019.

Në këtë ceremoni, Klubi i notit “Nemo” nga Prishtina - rrëmbeu tri cmime për notarët më të mirë të Kosovës: Olt Kondirolli i lindur në vitin 2003, Lisa Emini e lindur në 2010 dhe Joana Jasiqi e lindur në 2010.

Notari më i mirë në Kosovë për vitin 2019, u shpall notari i klubit tonë Olt Kondirolli. Në aktivitetet pjesëmarrëse gjatë vitit 2019 të organizuara nga FNK, Olti është mbajtës i 5 rekordeve të Kosovës. Njëkohësisht, ai përfaqësoi Kosovën në: European Youth Summer Festival – Baku 2019, FINA World Junior Swimming Championships – Budapest 2019, European Short Course Swimming Championships – Glasgoë 2019.

Lisa Emini, talente e përfolur në komunitetin e notit, u shpall më e mira e Kosovës për grupmoshat 2010 e më të reja. Nga gjashtë disiplina, sa ekzistojnë në FNK për grupmoshat e reja, Lisa vendosi 3 rekorde të notit në Kosovë në: 50m Krol, 100m Krol dhe 50m Shpinë.

Joana Jasiqi, bretkocashja më e mirë në Kosovë për grupmoshat e reja, është mbajtëse e tri rekordeve tjera të FNK-së: 50m Bretkocë, 100m Bretkocë dhe 50m Delfinë. Joana u shpall notarja e tretë më e mirë e Kosovës për grupmoshat 2010 e më të reja.

Klubi i notit “Nemo” është një ndër klubet më të reja të Federatës së Notit të Kosovës, i cili po jep shembull të punës dhe kualitetit të rezultateve në Kosovë. Trenerë të klubit janë: Daulina Osmani dhe Endrit Svecla – dy ish-kampion të Kosovës në not. 

Kalendari

Ngjarjet e datës 22 Tetor 2020 - Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 9:30)

- Lëvizja Vetëvendosje organizon tryezën virtuale më temë 'Sa do të ndikojë moratorimumi një vjeçar për anëtarësimin e Kosovës në organizata ndërkombëtare, në pozicionin ndërkombëtar të Kosovës?' (Online, ora 10:00)  

 - Admovere organizon promovimin e publikimit 'Të Damkosurit e Ballkanit - Shqiptarët dhe Kosova në tekstet alternative gjithëballkanike të historisë'. (Hapësirat e KultPlus Caffe Gallery te Fontana në Ulpianë, ora 10:00)  

- Kryeministri Avdullah Hoti pret në takim deputetët e komunitetit joshumicë. (Ndërtesa e Qeverisë, ora ‪10:30 - vetëm pamje)

- Ministria e Tregtisë dhe Industrisë i njofton mediat se nesër do të lansohet data-baza per tregtinë në shërbime. (Ndërtesa e MTI-së, ora 11:00)

- Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisionit për Mbikëqyrjen e Financave Publike lidhur me Raportin Vjetor i Auditimit. (Ndërtesa e Kuvendit, salla C301, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësues të kompanisë “Kërveshi Partneres” dhe përfaqësuesi te OJQ, “Ngritja e Zërit”. (Ndërtesa e Kuvendit, salla N302, ora 11:00)

- Ministrja e Punëve të Jashtme dhe Diasporë, Meliza Haradinaj - Stublla raporton para Komisionit për Integrim Evropian. (Ndërtesa e Kuvendit, salla N303, ora 12:00)

- Kryetari i Komunës së Prizrenit, Mytaher Haskuka do të merr pjesë në përurimin e adaptimit të rrugës për Komunitetin RAE në rrugën “Rexhep Karaqi”. (Prizren, ora 12:00)

- Fondi për të Drejtën Humanitare dhe KOMRA Rrjeti i Pajtimit organizon debatin mbi Politikat e Kujtesës dhe Praktikat e Përkujtimit në Evropën Juglindore. (Debati do të transmetohet direkt në Facebook dhe Youtube kanalin e KOMRA Rrjeti për Pajtim, ora 17:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmitë e Hidajete Pireva, Mjeke, Qendra Kryesore e Mjekësisë Familjare-QKMF, Fushë Kosovë, Vlora Maholli, Mjeke, QKMF, Fushë Kosovë dhe Hajrie Hoti, Mjeke, QKMF, Prishtinë. (Ndërtesa e Kuvendit, salla N204, ora 14:00)