20 Shtator 2018

Komuna e Prishtinës ka zgjedhur sportistin e vitit 2017

Prishtinë, 29 dhjetor - Komuna e Prishtinës përzgjodhi  sportistet dhe sportistët më të mirë për vitin 2017. Në manifestimin e mbajtur në objektin e Komunës, nënkryetari z. Selim Pacolli falënderoi të gjithë ata që kontribuuan dhe po kontribuojnë në vazhdimësi për zhvillimin e sportit në qytetin e Prishtinës.

 Komisioni i përbërë kryesisht nga gazetarët e sportit, kishte bërë përzgjedhjen e sportisteve dhe sportistëve më të dalluar të këtij viti si për moshat madhore, ashtu edhe për gjeneratat e reja që janë shpresa e sportit të këtij qyteti.  Si sportistë të rinj që premtojnë shumë në të ardhmen u përzgjodhën

Rrezarta Alimi (KXH Polici), Shpejtim Bajku (KB Gollaku), Vigan Buza (KS Prishtina), Albinot Kozmaqi (KF Flamurtari), Albin Prapashtica(KF 2Korriku), Dardan Cena (KXH Polici).

Mirënjohje pranuan edhe Anton Cena si veteran i vitit; Fatos Dili si punëtori më i dalluar sportiv; Genc Nuza si gjyqtari më i dalluar; Besim Brahimi si trajneri më i dalluar  dhe  Federata e Sportit Shkollor për kontributin e dhënë ne zhvillimin e sportit shkollor . FC  Prishtina u zgjedh si klubi i vitit kurse çmimi Post Mortum u nda per Shemsi Humollin dhe Hamdi Halimin.

Sportistët e tjerë të dalluar për vitin 2017 janë:

 1. Armend Dallku  FC Prishtina

2.  Blerta Shala  KFF Hajvalia

3.  Nderim Saraçi    KSH Drejtësia

4.  Donart Vitia  KK Ardhmëria

5.  Granit Baraliu     KT Prishtina

6.  Zerina Shatri KBF Prishtina

7.  Dasar Xhambazi    KN Step

8.  Florentina Prelvukaj KHF Prishtina

9.  Petrit Prekazi     KH Prishtina

10. Gazmore Mustafa KVF Prishtina Volley

Bazuar në vlerësimet e komisionit, sportistja e vitit në Komunën e Prishtinës u zgjodh Donjeta Sadiku (KB Gollaku).

Kalendari

Ngajrjet e datës 20 shtator 2018

 - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)

-  Kyetari i LDK-së Isa Mustafa mban mbledhje me kryetarë të degëve të LDK-së. (Hotel Sirius, ora 17:00)