29 Shkurt 2020

Klubet e futbollit në botë shpenzuan mbi 1 miliard dollarë gjatë janarit

Gjenevë, 12 shkurt - Klubet e futbollit në botë në transferet e janarit shpenzuan në total 1.15 miliardë dollarë.

Federata Botërore e Futbollit (FIFA) publikoi raportin e transfereve në botën e futbollit të cilat u realizuan nga 1 deri më 31 janar të këtij viti. Raporti u përpilua me ndihmën e Sistemit të Analizës së Tranfereve ITMS.

Raporti po ashtu thekson se muajin e kaluar janë realizuar gjithsej 4.108 transfere, që është 6.6 për qind më shumë në raport me numrin e transfereve të realizuara në të njejtën periudhë të vitit të kaluar.

Për këto transfere klubet kanë shpenzuar 1.15 miliardë dollarë që është 4.3 për qind më shumë në raport me vitin e kaluar.

Ligat e "pesëshes" evropiane, të cilën e përbëjnë Premier Liga angleze, La Liga spanjolle, Serie A e Italisë, Bundesliga gjermane dhe Ligue 1 franceze, tradicionalisht investojnë më shumë para në transfere, e cila u dëshmua edhe kësaj radhe.

Pjesa e shpenzimeve të ligave evropiane në numrin e përgjithshëm të transfereve të realizuara në janar ishte 14.1 për qind ndërsa shpenzimet e tyre ishin 71.8 për qind.
 

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)