25 Qershor 2018

Katari i ofron Zinedine Zidane 50 milionë euro në vit

Doha, 3 qershor - Sipas shkrimeve të mediave spanjolle dhe angleze, trajneri francez Zinedine Zidane ka marrë një ofertë të pabesueshme nga Federata e Futbollit të Katarit.

Pretendohet se nikoqiri i Kampionatit Botëror për vitin 2022, i ka ofruar francezit kontratë katërvjeçare me rrogë prej 50 milionë euro në vit.

Zidane të enjten shokoi të gjithë në Real Madrid, por edhe Evropën, kur njoftoi se ka vendosur që të braktis klubin, vetëm disa ditë pasi për herë të tretë me radhë fituan Ligën e Kampionëve.

Shumë vetë pyetnin se cilat janë arsyet për këtë vendim të Zidane, por edhe se ku do të shkojë. Ndodhta mediat tashmë kanë dhënë përgjigjen, meqë rroga e ofruar prej thuajse 140.000 euro në ditë edhe atë katër vite me radhë është shumë e mirë që dikush ta refuzojë.

Nëpër media theksohet se informacionin mbi ofertën e Federatës së Katarit në Twitter e zbuloi biznesmeni egjiptian Naguib Sawiris. 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)