30 Shtator 2022

Karabaxhaku dhe Hashani kampion të kampionatit individual për U21

Ferizaj, 5 mars - Sot në shkollën Tefik Çanga në Ferizaj u mbajt kampionati individual për U21 ku ishin të paraqitur rreth 100 pjesëmarrës nga të dy kategoritë. Ndeshjet u zhvilluan në një atmosferë sportive dhe duke zbatuar masat mbrojtëse anticovid.

Në gjysmëfinalen e parë të femrave u takuan Lenë Osmani dhe Alma Mehmeti ku pas tre setave arriti ta fitoj ndeshjen Lena. Në gjysmëfinalen e dytë u takuan Shega Hashani dhe Bjondina Hasani ku Shega nuk lejoi befasi dhe e fitoi ndeshjen me rezultat bindës 3-0.

Në finale fillimisht në dy setat e parë ndeshja ishte e barazpeshuar ku të dy lojtaret treguan kualitetin e tyre dhe e fituan nga një set, pastaj Lena ishte shumë afër fitorës duke qenë në epërsi 2-1 por në fund të setit të katërt Shega arriti ta përmbys rezultatin duke e fituar setin e pastaj në setin e radhës edhe ndjeshjen me rezultat final 3 me 2 duke u shpallur kështu kampione në kategorinë e femrave.

Në kategorinë e meshkujve në gjysmëfinalen e parë u takuan Kreshnik Mahmuti dhe Fatih Karabaxhaku ku Fatih dukej më i disponuar për lojë dhe arriti ta mposhtë Kreshnikun me rezultat 3-1. Në gjysmëfinalen e dytë u ndeshën Blend Hajdari dhe Aulon Bivolaku ku Blendi fitoi me rezultat 3-0 edhe pse pati rezistencë nga Auloni.

Në finale Fatih Karabaxhaku e tregoi superioritetin e tij duke e mposhtur 3 me 0 Blend Hajdarin për tu shpallur kampion i këtij kampionati.

Fituesit (F):

1. Shega Hashani

2. Lene Osmani

3. Alma Mehmeti

3. Bjondina Hasani

Fituesit (M):

1. Fatih Karabaxhaku

2. Blend Hajdari

3. Aulon Bivolaku

3. Kreshnik Mahmuti


Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30