19 Korrik 2018

Kaçaniku bëhet me stadium e palestër sportive

Prishtinë, 7 nëntor - Kryetari i Kuvendit të Kosovës, Kadri Veseli, Ministri i Kulturës, Rinisë dhe Sportit, Kujtim Gashi, Kryetari i Federatës së Futbollit të Kosovës, Fadil Vokrri dhe Kryetari i Komunës së Kaçanikut, Besim Ilazi, përuruan sot stadiumin e qytetit të Kaçanikut “Besnik Begunca”, investim i përbashkët i MKRS-së dhe Komunës së Kaçanikut, në vlerën e përgjithshme financiare rreth 320 mijë euro, ndërkaq ministria ka investuar rreth 220 mijë euro në këtë projekt kapital sportiv.
 
Sipas kontratës së paraparë për projektin në fjalë konform memorandumit, janë realizuar punime në rregullimin e zhveshtoreve, fushëlojës, rrethojës dhe elementeve tjera përcjellëse.

Ministri Kujtim Gashi, u shpreh se ndjehet jashtëzakonisht i lumtur për përfundimin e stadiumit të cilin përuruan sot dhe ky projekt kapital është në kuadër të përmirësimit të infrastrukturës sportive i cili është edhe një parakusht për zhvillimin dhe avancimin e sportit, në këtë rast të futbollit.
 
“Jemi dakorduar që do të vazhdojmë edhe me fazën e dytë të ndërtimit të këtij stadiumi e që do të rregullohen edhe tribunat”, tha ministri Gashi, duke shtuar se është i përkushtuar që të punojë maksimalisht për të rritur dinamikën e investimeve dhe të realizimit të punëve në kuadër të plotësimit dhe modernizimit të infrastrukturës sportive në vendin tonë.

“Unë e kam marrë një porosi qysh në fillim të mandatit nga kryetari i Kuvendit Veseli për ta bërë çdo qytet me stadium, prandaj po mundohemi që në kuadër të objektivave të Ministrisë së Kulturës, Rinisë dhe Sportit të kemi investime të stadiumeve në çdo qytet”, tha ministri.
 
Ndërsa, Kryetari i Kuvendit të Kosovës, Kadri Veseli, e vlerësoi finalizimin e këtij projekti të rëndësishëm i cili është në interes të sportistëve të komunës së Kaçanikut dhe do të jetë në shfrytëzim të zhvillimit të aktiviteteve sportive për futbollistë.
 
“Në katër vitet e ardhshme do të investojmë rreth 100 milionë euro në stadiume”, tha Veseli.

Gjithashtu, Kryetari i Kuvendit tha se stadiumi kombëtar do të ndërtohet në Drenas dhe shumë shpejtë do të finalizohen punimet edhe në stadiumet e Mitrovicës e Prishtinës.
 
Në kuadër të vizitës në Komunën e Kaçanikut, ministri Gashi i shoqëruar nga kryetari i Kaçanikut, Besim Ilazi, inspektoi zhvillimin e punimeve në Palestrën e Sportit në këtë qytet.

Faza e parë e punimeve është finalizuar në këtë projekt kapital në të cilin MKRS-ja ka investuar rreth 1.3 milion euro.

Së shpejti pritet të përfundojnë edhe procedurat për fillimin e fazës së dytë të këtij projekti dhe ku priten të investohen edhe rreth 900 mijë euro.
 
Po ashtu, ministri qëndroi edhe në Komunë, ku bashkëbisedoi me kryetarin Ilazi për një varg çështjesh të interesit të përbashkët dhe vazhdimësinë e përkrahjes së projekteve të Komunës së Kaçanikut.

 

Kalendari

Ngjarjet e datës 20 Korrik 2018  - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Policia e Kosoves fillon shpërndarjen e broshurave sipas projektit "Për një vit më të sigurt në trafik” me qëllim të sensibilizimit të pjesëmarrësve në trafikun rrugor, qoftë ata vendor, bashkatdhetarët dhe të huajt që hyjnë dhe qarkullojnë npër rrugët e Kosovës. (Pikë Kalimi Kufitar në Merdar, ora 11:00)

- Grupi Parlamentar i Lidhjes Demokratike të Kosovës mban konferencën për media (Ndërtesa e Kuvendit, para sallës C301, ora 13:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, z. Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)