16 Tetor 2019

Icardi s’ka rinovuar me Interin

Milano, 6 shkurt - E ardhmja e Mauro Icardit vazhdon të jetë një temë diskutimi në futbollin italian.

Ndërsa drejtuesit e klubit zikaltër janë të bindur për qëndrimin e sulmuesit argjentinas në Milano, bashkëshortja dhe njëkohësisht agjentja e lojtarit, Wanda Nara, jo pak herë ka lënë të kuptohet të kundërtën, e kjo ka bërë që e gjithë Europa të tentojë blerjen e kapitenit të Interit.

Media italiane flet për kontaktet e nisura nga Manchester United, Juventus e Chelsea me futbollistin, por në garë për të duket se janë edhe dy klubet e La Ligës, Real dhe Atletico Madrid. Madje, flitet se edhe Barcelona mund të bëjë tentativën e saj për Icardin, që e sheh si zëvendësuesin e Luis Suarezit në të ardhmen.

Përfaqësuesit e Icardit e kanë të qartë situatën e tij dhe duan që t’i garantojnë një përmirësim në nivel sportiv dhe ekonomik të karrierës së tij.

Kampionati spanjoll duket se është opsioni që e tërheq më shumë Icardin, i cili nga ana e tij e ka konsideruar Madridin si vendin e tij të preferuar për të vijuar karrierën e tij. Për më tepër, tek Interi e dinë se, nëse ai nuk rinovon kontratën, atëherë çmimi i Icardit për transferimin te një skuadër tjetër do të ulet ndjeshëm.

Kalendari

Ngjarjet e datës 17 tetor 2019  - Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)