03 Mars 2021

Gjykata i konfirmon dënimin Robinhos për përdhunimin e një shqiptareje

Milano, 11 dhjetor - Gjykata e Apelit në Milano konfirmoi dënimin e futbollistit brazilian, Robinho, me 9 vjet burg për dhunë seksuale. Ish-lojtari i Milanit, Manchester City-t apo Real Madridit u dënua në shkallën e parë në vitin 2017 për një episod që ndodhi më 22 janar të vitit 2013.

Sipas rindërtimit të ngjarjes, ai dhe disa nga miq të tij kishin shtyrë një vajzë 23-vjeçare (me origjinë shqiptare) të konsumonte alkool në një disko të njohur të kryeqendrës së Lombardisë derisa kishte mbetur pa ndjenja dhe më pas e kanë përdhunuar me radhë.

Dënimi u konfirmua gjithashtu edhe për një nga bashkëpunëtorët e Robinhos, Ricardo Falco, ndërsa katër të tjerë të përfshirë në këtë ngjarje janë ende në arrati. Të dy u dënuan gjithashtu t’i paguanin 60 000 euro për viktimën.

Lajmin ku Apeli lë në fuqi dënimin ka bërë jehonë në mediat e huaja si The Sun apo Daily Mail.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)