22 Janar 2020

Gjilani të premten organizon garën e atletikës për fëmijë

Gjilan, 25 shtator - Drejtoria për Kulturë, Rini dhe Sport e Komunës së Gjilanit, me mbështetje të Ministrisë së Kulturës dhe Federatës së Atletikës së Kosovës, të premten organzojnë garën e atletikës për fëmijë.

U.D. drejtoresha e DKRS, Deniza Limani, ka deklaruar se aktiviteti i llojit të tillë organizohet për herë të parë në Gjilan dhe ka për qëllim që fëmijët e klasave të 5-ta t’i argëtoj nëpërmjet aktivitetit fizik dhe lojërave, ndërkaq mbahet në palestren “Bashkim Selishta – Petriti”.

Në këtë aktivitet fëmijët do të kenë mundësinë që brenda dy orëve të praktikojnë shumë disiplina të përafërta të sportit të Atletikës në 12 stacionet e aktivitetit.

“Secili fëmijë do të kaloj në stacionet e 12 lojërave gjatë programit dhe aktiviteti nuk do të jetë i karakterit garues qëllimi është argëtimi i fëmijëve por edhe mundësia e fëmijëve që të paraqesin aftësitë e tyre lëvizore. Programi në vete pasqyron vlerat e aktivitetit fizik, disiplinës, respektit, socializimit andaj mund të themi se ka edhe karakter edukativ”, ka deklaruar Limani.

Ky program i atletikës për fëmijë është realizuar në shumë kryeqytete dhe qytete e ndryshme të botës dhe është i njohur me emrin “Kids Athletics”. 

 

Kalendari

Ngjarjet e datës 22 janar 2020 - Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Kryetari Shpend Ahmeti do të nënshkruajë Marrëveshjen e Mirëkuptimit me USAID për zbatimin e Programit per trajtimin e ndertimeve pa leje. (Komuna e Prishtinës, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)