24 Tetor 2018

FSK organizoi gara sportive për nder të Ditës së Forcës 27 Nëntorit

Prishtinë, 24 nëntor - Në kazermën “Adem Jashari” në Prishtinë, u mbajt sot ceremonia e përfundimit të garave sportive të cilat u realizuan për nder të “Ditës së Forcës-27 Nëntorit”.

Garat u zhvilluan në gjashtë disiplina sportive si: në Futboll, Volejboll, Shah, Kros, Ping Pong dhe Shenjëtari u realizuan në periudhën kohore nga data 30 tetor 2017 e deri më 24 nëntor 2017.

Për të përcjellë nga afër ceremoninë e ndarjes së kupave, mirënjohjeve dhe certifikatave të pranishëm ishin: komandanti i Forcës së Sigurisë të Kosovës, gjenerallejtënant Rrahman Rama, zëvendëskomandanti i Forcave Tokësore (KFT), gjeneral brigade Gëzim Hazrolli, shefi i Shtabit të KFT-së, kolonel Naim Haziri, komandanti i RMC-së, kolonel Shaip Haziri si dhe oficerë të lartë dhe nënoficerë të FSK-së, të cilët edhe përcollën nga afër finalen në futboll të vogël, ndërmjet Regjimentit të Mbrojtjes Civile (RMC) dhe Batalioni të Dytë të Brigadës së Reagimit të Shpejtë.

Pas një loje mjaft dinamike, atraktive dhe me aksione të shpejta, fitues doli ekipi i Regjimentit të Mbrojtjes Civile.

Pas përfundimit të garave, vendin e parë në futboll të vogël e zuri ekipi i Regjimentit të Mbrojtjes Civile, në Volejboll çmimi i parë shkoi për ekipin e Batalionit të Tretë të BRSH-së, në Shenjëtari vendi i parë i takoi tetarit Xhelal Selmanit (PFSK), në Shah më i miri u zgjodh kapteri Ferit Zhdrella (KDS), në atletikë në kategorinë e meshkujve vendin e parë e zuri ushtari Besmir Shabani (BAT-II) përderisa në kategorinë e femrave vendi i parë i takoi ushtares Gentiana Smajli (BMO), ndërsa në kategorinë e Ping Pongut çmimin e parë e fitoi rreshteri Astrit Berisha (PFSK ).

Gjatë kësaj ceremonie u ndanë edhe mirënjohje dhe medalje për të gjithë ata që kontribuan në realizimin e këtyre garave mjaft të rëndësishme të zhvilluara në prag të festave të Nëntorit dhe Ditës së Forcës.

Të gjithë pjesëtarët të cilët garuan në këto gara, si ato individuale njëkohësisht edhe ato ekipore, shfaqen një frymë garuese sportive ku edhe njëherë treguan një përgatitje të lartë fizike dhe profesionale. 

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)