07 Korrik 2020

Federata e pingpongut rifilloi me gara ekipore

Prishtinë, 23 qershor - Siç ka qenë e planifikuar, federata e pingpongut me 20 dhe 21 qershor rifilloj me garat ekipore të mbetura nga sezoni pranveror në të katër ligat.

Për fillimin e garave federata kishte përcaktuar 22 masa që duhet respektuar nga të gjitha klubet dhe gjyqtarët, e po ashtu edhe manualin e ministrisë së shëndetësisë si dhe manualin e ITTF-it

Garat u zhvilluan me sistem vajtje ardhje, ku në të gjitha vendet janë lejuar maksimum 9 persona, në këtë mënyrë për të ruajtur sigurinë e lojtarëve.

Ndeshja e superligës Elting Dardania vs Ahmet Hoxha, që u zhvillua të premten, ishte pikënisje e që përfundoi me rezultat 3:1 në të mirë të ekipit nga Prishtina.

Të shtunën në program ishin ndeshjet e ligës së juniorëve dhe ligës së femrave, nga 8 ndeshje të parapara u zhvilluan vetë 3, një te juniorët dhe 2 tek liga e femrave, ndërsa ndeshjet tjera u shtynë për një afat të pacaktuar.

Të dielën u zhvilluan shumica e ndeshjeve të Superligës dhe ligës së parë. 

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)