05 Mars 2021

Dumoshi: Fitorja e Krasniqit, na ka bërë krenarë të gjithëve në Kosovë

 Prishtinë, 15 tetor - Sot, në kabinetin e saj, ministrja Dumoshi priti Kampionin Botëror të Boksit Haxhi Robin Krasniqi. Ministrja theksoi që të gjithë jemi në emocionet e krenarisë për marrjen e titullit të Kampionit Botëror.

“Kjo fitore e jotja flet shumë për shtetin e Kosovës. Na ke bërë shumë krenarë, një djalë kosovar i cili me shumë mund dhe përpjekje ka arritur ta fitojë titullin Kampion i Botës, kjo vërtet na bënë të krenarë të gjithëve,” tha ministrja Dumoshi.

Ministrja Dumoshi e njoftoi sportistin Haxhi Robin Krasniqi për punët dhe projektet e Ministrisë së Kulturës, Rinisë dhe Sportit, duke i premtuar përkrahje institucionale. Ajo i tha se ne jemi të gatshëm që çdo iniciativë që vjen nga ju ta përkrahim dhe do t’ju qëndrojmë mbrapa si Ministri e Kulturës, Rinisë dhe Sportit.

Kampioni Botëror në Boks Haxhi Robin Krasniqi falënderoi ministren Dumoshi për pritjen dhe tha se “është kënaqësi dhe krenari e madhe kur shteti im e respekton kaq shumë dhe i gëzohet fitores sime. Kam marrë shumë mesazhe nga të gjithë dhe kjo është mbështetja më e madhe. Për këtë ndeshje kam kaluar një sakrificë 16-vjeçare ku ka pasur zhgënjime dhe gëzime. Ka qenë një rrugë shumë e mundimshme por ka qenë qëllimi kryesor edhe ëndrra më e madhe që një ditë ta nderoj edhe shtetin tim me titullin e botës.”

“Ne shqiptarët kemi shumë talente, shumë sportistë të mirë. Është e admirueshme kur ju jepet mundësia për të treguar veten e tyre.  Një ëndërr e imja u realizua, ndërsa ëndrra tjetër e imja është që një ditë ta mbroj titullin e Kampionit Botëror në Kosovë, në mënyrë që t’i tregoj botës për vendin tim.” – tha kampioni Krasniqi.

 

Kalendari

Ngjarjet e datës 5 Mars 2021  - Kuvendi komunal i Prishtinës mban seancë solemne për nder të shënimit të Epopesë së Ushtrisë Çlirimtare të Kosovës. (Objekti i komunës së vjetër, ora 9:00)

- Kryetari i Partisë Demokratike të Kosovës, Enver Hoxhaj me bashkëpunëtorë do të bëjnë homazhe në Kompleksin Memorial në Prekaz në nderim të sakrificës së Familjes Jashari, në 23 vjetorin e "Epopesë së UÇK-së". (Kompleksi Memorial në Prekaz, ora 9:45)

- Komuna e Prizrenit do te mbajë seancë solemne me rastin e 23 vjetorit të Epopesë së UÇK-së. (Salla e Kuvendit e Komunës në Shtëpinë e Bardhë, ora 10:00)

- Kuvendi komunal i Pejës  mban seancë solemne për nder të shënimit të Epopesë së Ushtrisë Çlirimtare të Kosovës. (Salla e Kuvendit Komunal të Pejës, ora 10:00)

- Mbahet ceremonia e nënshkrimit të Memorandumit të Mirëkuptimit ndërmjet Universitetit të Prishtinës “Hasan Prishtina” dhe Projektit “Heras Plus”. (Rektorati i UP-së, ora 10:00)

- Mbahet seanca solemne e Kuvendit të Komunës së Gjilanit, e cila mbahet për nderë të shënimit të Manifetimit “Epopeja e UÇK-së”. (Salla e mbledhjeve të KK-Gjilan, ora 10:00)

- Kryetar i Partisë Liberale Egjiptiane dorëzon ankesë në PZAP lidhur me procesin zgjedhore dhe orkestrimin e votave nga Lista Serbe duke e mbështetur  kunderligjshëm ' Romani Iniciativa". (PZAP, ora 10:00)

- Komuna e Prishtinës mban konferencë për media në të cilën do të behët prezentimi i planit te renovimit te soliterave në lagjen "Ulpiana". (Ndërtesa e vjeter e Komunës, ora 11:00)

- Fondi për Popullsi i Kombeve të Bashkuara lanson kampanjën “bashkë kundër covid-19”. (Instituti Kombëtar i Shëndetësisë Publike, ora 11:00)

- Hapet ekspozita “Kujtesa e Kosovës - Adem Jashari - rrëfime për të bëmat dhe heroizmin”. (Biblioteka Kombëtare “Pjetër Bogdani”, ora 11:00)

- Në Gjykatën Speciale mbahet seanca e radhës ndaj Salih Mustafës. (Selia e gjykatës në Hagë, ora 11:00)

- Mbahet manifestimi qendror, Parada e FSK-së, për nder të 23 - vjetorit të Epopesë së Ushtrisë Çlirimtare të Kosovës, në kujtim të Komandantit Legjendar Adem Jashari, familjes Jashari dhe të gjithë Dëshmorëve të kombit, si dhe të gjithë të rënëve për liri. (Kazerma ''Adem Jashari'' të FSK-së në Prishtinë, ora 12:00)

- Presidentja e Republikës së Kosovës, dr. Vjosa Osmani Sadriu dhe Kryeministri në detyrë, Avdullah Hoti do të marrin pjesë dhe do të mbajë një fjalë rasti në ceremoninë e FSK-së cila organizohet për nder të “Epopesë së UÇK-së”. (Kazerma “Adem Jashari” në Prishtinë, ora 12:00)

- Mbahet turniri në futsall. (Pallati i Rinisë, Prishtinë, ora 18:00)