14 Dhjetor 2018

City kërkon të përforcojë skuadrën në merkaton e muajit janar

Manchester, 22 dhjetor - Manchester City po dominon kampionatin anglez, por Pep Guardiola nuk kënaqet aspak.

Trajneri katalanas kërkon të përforcojë skuadrën në merkaton e muajit janar, duke vënë në shënjestër 3 futbollistë.

Njëri prej tyre është Alexis Sanchez, kontrata e të cilit me Arsenalin po shkon drejt skadencës.

Kjo nuk është hera e parë që flitet për kalimin e Sanchez te City. Verën e kaluar, ky transferim po bëhej konkret, pasi Arsenali e kishte pranuar ofertën e “Citizens”, por në momentin e fundit londinezët ndërruan mendje për shkak se nuk mundën të gjenin një zëvendësues të denjë të Sanchez.

Gjithsesi, transferimi i Sanchez në “Etihad Stadium” nuk është çështja më urgjente për t’u zgjidhur për Manchester City, që mund ta marrë kilianin me parametra zero në fund të sezonit.

Skuadra e Guardiolës ka prioritet gjetjen e një zëvendësuesi të Kompany, duke parë dëmtimet e shpeshta të tij, e në këtë pikë kandidaturat janë Van Dijk i Southampton dhe Inigo Martinez nga Real Sociedad.

Në të njëjtën kohë, “Citizens” janë në kërkim edhe të një mesfushori që do të luajë në vendin e Yaya Toure, i destinuar të lërë Manchester Cityn në fund të sezonit.

Fernandinho do të rinovojë kontratën me skuadrën angleze, por kjo mund të mos mjaftojë, kështu që Manchester City ka hedhur sytë nga 22-vjeçari i Borussias së Dortmundit, Julian Weigl, që pëlqehet nga Guardiola, edhe pse ëndrra e 46-vjeçarit është Sergi Busquets, për të cilin City mund të ofrojë 55 milionë euro në muajt e verës.

Kalendari

Ngjarjet e datës 14 dhjetor 2018

- Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)  

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)