10 Dhjetor 2018

City e PSG rrezikojnë realisht përjashtimin nga Champions

Manchester, 4 dhjetor - Manchester City e Paris SG janë sërish në telashe. Skuadra kampione e Anglisë dhe ajo kampione e Francës rrezikojnë seriozisht përjashtimin nga Champions League, për shkak të mosrespektimit të rregullit të “Fair Play”-t financiar.

Sipas asaj që publikohet në medien britanike dhe atë italiane, UEFA ka rihapur dosjen e Man. Cty dhe Paris SG-së, pas dokumenteve të reja të zbuluara nga “Football Leaks” dhe të publikuara nga “Der Spiegel”, sipas të cilave këto dy klube kanë marrë një trajtim favorizues nga qeveria e futbollit europian.

Sipas “The Guardian” dhe revistës italiane “Panorama”, presidenti i UEFA-s Alexander Ceferin, gjatë mbledhjes së Komitetit Ekzekutiv deklaroi se situata e Manchester Cityt është diçka konkrete dhe se shumë shpejt do të ketë një zgjidhje për të.

Në vitin 2014, Manchester City e kaloi këtë problem me një gjobë prej vetëm 20 milionë eurosh. Sipas dokumenteve të “Football Leaks”, që u publikuan në fillim të muajit nëntor, ky ndëshkim i lehtë erdhi pas një sërë takimesh sekrete mes funksionarëve të UEFA-s dhe drejtuesve të klubit anglez.

Po kështu, në ato dokumente flitej edhe sesi qeveria e futbollit europian lejoi “Citizens” të driblojnë rregullin e “Fair Play”-t financiar, me të ardhurat e përfituara prej 2.7 miliardë eurosh, një linjë që ajo e ndoqi edhe me PSG.

Por, PSG-ja ka llogari të tjera të hapura me UEFA-n. Klubi francez raportoi bilanc fals më 13 qershor, me UEFA-n që po heton të gjitha llogaritë dhe kontratat e sponsorizimit të klubit francez për sezonin 2016-2017. Hetimi u hap më 3 korrik nga UEFA, ndërkohë që “L’Equipe” bëri të ditur më 14 nëntor se, edhe parizienët rrezikojnë seriozisht përjashtimin nga Champions.

Ndalimi i pjesëmarrjes në turnetë europianë është sanksioni më i rëndë, me të cilin duket se do të përballen Manchester City dhe PSG, dy ekipe që mund të dënohen edhe me kufizim të numrit të lojtarëve të federuar, me mbajtjen e të ardhurave të siguruara nga kompeticioni, ose me heqje pikësh.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)