29 Shkurt 2020

Beckham interesohet për Luka Modric

Madrid, 4 shkurt - David Beckham vazhdon të shënjestrojë yjet e futbollit që luajnë në Evropë për t’i marrë te skuadra e tij Inter Miami që këtë vit do të bëjë debutimin e saj në Major League Soccer.

Këtë radhë në shënjestrën e pronarit të klubit nga Florida është vënë Luka Modric, lajm i cili publikohet nga e përditshmja spanjolle ‘Marca’.

Sipas kësaj të përditshmeje, Beckham që ka qenë pjesë e Realit të Madridit në 2003-2007 dëshiron që Modric të jetë pika e referimit në skuadrën e tij me kroatin që ka një kontratë me Los Blancos deri në vitin 2021. ‘Marca’ thekson gjithashtu se David Beckham është gati t’i ofrojë një pagë 2 herë më të lartë se ajo që përfiton aktualisht Modric te Reali i Madridit.

Por në këtë pikë duhet bindur Reali për të lejuar largimin e Modric, kjo sepse kroati vazhdon të jetë një element thelbësor në skemat e Zidane pavarësisht shpërthimit të Federico Valverdes. në 23 ndeshje të zhvilluara në këtë sezon, Modric ka mundur të shënojë 5 gola e të japë 5 assiste.

Një tjetër emër i madh i futbollit botëror që është vënë në shënjestrën e Inter Miami, është ai i Edinson Cavanit i cili në merkaton dimërore u fol për mundësinë e kalimit të tij te Atletico Madrid, por që në fund qëndroi te Paris Saint Germani deri në fund të sezonit kur i skadon edhe kontrata me kampionët e Francës, që do të thotë se uruguajani është i lirë që të zgjedhë skuadrën me të cilën do të vazhdojë karrierën e tij.

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)