05 Qershor 2020

Bayerni ofron 40 milionë euro për Hudson Odoi

Mynih, 9 janar - Bayerni i Mynihut kërkon të rrëmbejë talentin anglez të Chelseat, Callum Hudson-Odoi dhe pasi mori një refuzim të prerë për ofertën prej 30 milionë eurosh, ka vendosur të shtojë shumën e ofruar në këmbim të kartonit të tij.

Talenti 19-vjeçar i bluve të Londrës spikati gjatë përgatitjeve verore, por gjatë fazës së parë të sezonit ka luajtur vetëm 7 ndeshje gjithsej në skuadrën e Sarrit dhe për rrjedhojë ka vendosur të mos rinovojë kontratën e cila i përfundon në qershor të vitit 2020.

Skuadra gjermane ka çuar në 40 milionë ofertën ndaj londinezëve, për të marrë menjëherë futbollistin në Mynih, por drejtuesit e Chelseat besojnë ende te rinovimi i futbollistit dhe nuk kanë ndërmend të heqin dorë prej tij.

Kjo u pa qartë edhe nga deklarata e trajnerit Sarri në konferencën për shtyp të ditës së djeshme, ku theksoi se futbollisti po punon shumë mirë dhe se duhet të mbetet në Londër dhe në Angli, ku e pret një e ardhme e ndritur.

“Mendoj se ai duhet të qëndrojë në Londër. Po rritet shumë dhe e pret një e ardhme e ndritur, si te Chelsea, ashtu edhe te kombëtarja angleze, ndaj nuk ka pse të transferohet në Gjermani”, tha Sarri.  

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)