03 Qershor 2020

Barcelona ul pagat e lojtarëve për shkak të koronavirusit

Barcelonë, 27 mars - Barcelona do të ul pagat e lojtarëve të saj për shkak të shpërthimit të koronavirusit.

Klubi spanjoll të enjten vonë njoftoi se Bordi ekzekutiv ka vendosur të pezullojë përkohësisht kontratat e lojtarëve, gjë që çon në një "ulje proporcionale të shpërblimit të parashikuar në kontratat përkatëse".

Kontratat e lojtarëve do të mbeten të paprekura gjatë pezullimit. Punëdhënësit në Spanjë lejohen të ulin kostot e punës, ndërsa garantojnë se punëtorët do të kthehen në punë pasi të përmirësohen kushtet.

Klubi theksoi se nuk kishte vendosur se sa do të ulen pagat.

Barcelona është klubi i parë i ligës spanjolle që paralajmëroi uljen e pagave.

Në sezonin 2018-19, Barcelona njoftoi se pagat e lojtarëve për ekipet e saj sportive llogariten 671 milionë euro, nga 973 milionë eurot e saj në shpenzime. Barcelona mbulon skuadra në basketboll, hendboll dhe sporte të tjera më të vogla, por skuadra e saj e futbollit merr pjesën më të madhe të kostove të pagave.

Liga spanjolle pezulloi kampionatin dy javë më parë për shkak të shpërthimit të koronavirusit.

Kalendari

Ngjarjet e datës 3 Qershor 2020

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë ku raporton Drejtorit te AKI-së Kreshnik Gashi lidhur me gjendjen e sigurisë gjate periudhës se pandemisë dhe situatën aktuale. (Kuvendi i Kosovës, salla N10, ora 10:00) 

- Mbahet mbledhja e Qeverisë së Republikës së Kosovës. (Ndërtesa e qeverisë, ora 10:00)

- Kuvendi i Kosovës mban seancë për votimin  për votimin e Qeverisë. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të vendos vazo dekorative gjelberuese në sheshin Bill Klinton. (Shshi Bill Klinton, ora 11:00)
  
- Komiteti Olimpik i Kosovës nënshkruan kontratën për Bursën Olimpike Tokyo 2020 me mundësin, Egzon Shala. (Zyret e KOK-ut në Shtëpinë e Sportit, 13:00)