22 Tetor 2020

Barcelona nënshkruan me Martin Braithwaite

Barcelonë, 20 shkurt - Klubi i futbollit spanjoll Barcelona të enjten mori në radhët e saj sulmuesin danez Martin Braithwaite pas marrjes të një leje të veçantë për të zëvendësuar sulmuesin e tyre të dëmtuar francez Ousmane Dembele.

"FC Barcelona ka paguar klauzolën e blerjes së lojtarit Martin Braithwaite dhe për këtë arsye ai nuk është më i lidhur me kontratë me klubin Deportivo Leganés. Kostoja e klauzolës është 18 milion euro (19.4 milion dollarë)", bëri të ditur klubi faqen e tij të internetit.

"Lojtari do të nënshkruajë një kontratë me Klubin për pjesën tjetër të sezonit dhe katër sezone të tjera deri më 30 qershor 2024 me klauzolën e blerjes të vendosur në 300 milion euro", thuhet në deklaratë.

Braithwaite më parë ka luajtur për klubin danez Esbjerg, klubet franceze Toulouse dhe Bordeaux, dhe klubin anglez Middlesbrough. Sezonin e kaluar, ai kaloi te klubi spanjoll Leganes.

Edhe pse merkatoja e transfereve dimrore ishte mbyllur për klubet spanjolle më 31 janar, Barcelona mori një leje të veçant nga La Liga Spanjolle për nënshkrimin urgjent të kontratës për të tejkaluar problemet e dëmtimit serioz që pësoi sulmuesi i tyre.

La Liga lejon klubet në situata të jashtëzakonshme të bëjnë nënshkrime nëse një lojtar mbetet jashtë për shkak të dëmtimeve për të paktën pesë muaj.

Javën e kaluar, Barcelona njoftoi se Dembele do të jetë jashtë për afro gjashtë muaj për operacionin e kofshës.

Braithwaite do të jetë lojtari i pestë i përfaqësueses daneze që do të luajë për Barcelonën.

Para tij për Barcelonën kanë luajtur Allan Simonsen, Michael Laudrup, Thomas Christianen dhe Ronnie Ekelund.

Kalendari

Ngjarjet e datës 22 Tetor 2020 - Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 9:30)

- Lëvizja Vetëvendosje organizon tryezën virtuale më temë 'Sa do të ndikojë moratorimumi një vjeçar për anëtarësimin e Kosovës në organizata ndërkombëtare, në pozicionin ndërkombëtar të Kosovës?' (Online, ora 10:00)  

 - Admovere organizon promovimin e publikimit 'Të Damkosurit e Ballkanit - Shqiptarët dhe Kosova në tekstet alternative gjithëballkanike të historisë'. (Hapësirat e KultPlus Caffe Gallery te Fontana në Ulpianë, ora 10:00)  

- Kryeministri Avdullah Hoti pret në takim deputetët e komunitetit joshumicë. (Ndërtesa e Qeverisë, ora ‪10:30 - vetëm pamje)

- Ministria e Tregtisë dhe Industrisë i njofton mediat se nesër do të lansohet data-baza per tregtinë në shërbime. (Ndërtesa e MTI-së, ora 11:00)

- Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisionit për Mbikëqyrjen e Financave Publike lidhur me Raportin Vjetor i Auditimit. (Ndërtesa e Kuvendit, salla C301, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësues të kompanisë “Kërveshi Partneres” dhe përfaqësuesi te OJQ, “Ngritja e Zërit”. (Ndërtesa e Kuvendit, salla N302, ora 11:00)

- Ministrja e Punëve të Jashtme dhe Diasporë, Meliza Haradinaj - Stublla raporton para Komisionit për Integrim Evropian. (Ndërtesa e Kuvendit, salla N303, ora 12:00)

- Kryetari i Komunës së Prizrenit, Mytaher Haskuka do të merr pjesë në përurimin e adaptimit të rrugës për Komunitetin RAE në rrugën “Rexhep Karaqi”. (Prizren, ora 12:00)

- Fondi për të Drejtën Humanitare dhe KOMRA Rrjeti i Pajtimit organizon debatin mbi Politikat e Kujtesës dhe Praktikat e Përkujtimit në Evropën Juglindore. (Debati do të transmetohet direkt në Facebook dhe Youtube kanalin e KOMRA Rrjeti për Pajtim, ora 17:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmitë e Hidajete Pireva, Mjeke, Qendra Kryesore e Mjekësisë Familjare-QKMF, Fushë Kosovë, Vlora Maholli, Mjeke, QKMF, Fushë Kosovë dhe Hajrie Hoti, Mjeke, QKMF, Prishtinë. (Ndërtesa e Kuvendit, salla N204, ora 14:00)