19 Shkurt 2018

Barcelona kërkon brazilianin Coutinho

Barcelonë, 29 tetor - Barcelona nuk është dorëzuar ende për brazilianin Philippe Coutinho, ndërkohë që ka përshpejtuar kohët që ta afrojë në skuadër fantazistin e Liverpool.

Mendohet që klubi spanjoll të ketë të gatshëm që në muajin janar brazilianin, duke iu ofruar britanikëve të Liverpoolit shifrën prej 84 milionë eurosh. Kjo vlerë do të dyfishohet në muajin qershor, duke kapur vlerën prej 150 milionë eurosh.

Mediet britanike njoftojnë se marrëveshja është arritur dhe klubet po diskutojnë të gjitha modalitetet e këtij transferimi.

Barcelonës iu mohua mundësia e këtij transferimi në muajin gusht, kur Liverpool këmbënguli për të mos e lënë futbollistin, edhe pse ky i fundit kishte shprehur dëshirën për t’u larguar.

Coutinho shihet në fakt si zëvendësues i Andres Iniestës, ndërsa në sulm Barcelona është duke punuar njëkohësisht edhe për Griezmann.

Kalendari

Ngjarjet e datës 19 Shkurt 2018  - Pjesëmarrësit e konferencës Ndërkombëtare e Pan Europa-Kosova zhvillojnë një vizitë në Katedralën e re “Nëna Terezë”. (Objekti i Katedralës, ora 10:00)

- Kryeministri Ramush Haradinaj pret në takim Bruno Questel, përfaqësues zyrtar i Presidentit të Francës, Emmanuel Macron. (Ndërtesa e Qeverisë, ora 11:00 - vetëm pamje)

- Presidenti Thaçi pret në takim ministrin e Punëve te Jashtme te Bangladeshit , Shahriar Alam. (Kabineti i presidentit, ora 11:00)

- Lëvizja Vetëvendosje! mban konferencë për media. (Zyrët e Lëvizjes Vetëvendosje, ora 12:00)

- Ndihmës Administratorin e USAID-it për Evropë dhe Evroazi, Brock Bierma takohet me Presidentin e Republikës së Kosovës, Hashim Thaçi. (Zyra e Presidentit, ora 15:00 - vetëm pamje)

- Shkrimtari Stan Lee i njohur edhe si zevendes president dhe publicist i kompanisë Marvel dhe i cili eshte bashkëkrijues i heronjve të filmave, Spider-Man, Hulk, Doctor Strange, Fantastic Four, Iron Man, Thor, Daredevil, etj, kesaj radhe vjen me tregimin mbi heroin e ri T’Challa si mbret dhe Panterë e Zezë ne filmin “Black Panther” -aksion, aventurë, fantastiko-shkencor. (Kino ABC, ora 15:15)

- Presidenti Thaçi pret në takim Senatorin Ron Johnson. (Kabineti i presidentit, ora 16:00)

- Kryeministri Ramush Haradinaj pret senatorin amerikan Ron Johnson. (Ndërtesa e Qeverisë, ora 16:45 - vetëm pamje, ndryshim orari, ora 14:30)