05 Tetor 2022

Alma Mehmeti dhe Chris Doran fitues të turneut 'Ahmet Hoxha 2022'

Ferizaj, 22 maj - Sot në SHFMU “Tefik Çanga” në Ferizaj u mbajt turneu i 23-të përkujtimor për senior/e “Ahmet Hoxha 2022” që pati një pjesëmarrje të madhe të pingpongistëve kosovar si dhe të disa pingpongistëve nga Shqipëria. Pasi u bë hapja e turneut delegacioni i FPPK-së bëri homazhe tek varri i heroit të kombit Ahmet Hoxha për të nderuar jetën dhe veprën e tij.

Në kategorinë e femrave në gjysmëfinalen e parë u takuan dy bashkëlojtaret nga ‘Drita’ e Gjilanit, Linda Zeqiri dhe Alma Mehmeti e cila arriti ta befasoj kampionen e shumëfishtë Linda Zeqirin me rezultat 3-1.

Në gjysmëfinalen e dytë Shega Hashani e mposhti Lenë Osmanin poashtu me rezultat 3 me 1 kështu për tu ndeshur me Alma Mehmetin në finale e cila ishte një ndeshje e barazpeshuar por të cilën në fund arriti ta fitoj Alma me rezultat të ngushtë 3-2 për ta mbrojtur titullin e kampiones të këtij turneu.

Në kategorinë e meshkujve në gjysmëfinalen e parë u takuan Kreshnik Mahmuti dhe Fatih Karabaxhaku i cili fitoi me lehtësi me rezultat 3-0 sikurse Chric Doran që e mposhti Blend Hajdarin me të njejtin rezultat në gjysmëfinalen e dytë.

Në finale Fatih Karabaxhaku nuk mundi t’i rezistoj anglezit Chris Doran i cili fitoi me rezultat 3-0 për ta mbrojtur kështu titullin e kampionit të turneut tradicional “Ahmet Hoxha

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)