20 Shkurt 2020

Zvarritjet në drejtësinë civile prodhojnë pasoja fatale

Prishtinë, 3 nëntor - Instituti i Kosovës për Drejtësi (IKD), me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit (INL) dhe NED-it, të dielën ka mbajtur konferencë për media, në të cilën ka publikuar raportin: “Drejtësia Civile në Kosovës: Ligji VS Praktika”.

Ehat Miftaraj, Drejtor Ekzekutiv i IKD-së, tha se ky raport është rezultat i monitorimit sistematik që IKD i bënë rasteve civile. Sipas tij, sistemi gjyqësor i Republikës së Kosovës ka dështuar që të sigurojë një mjet efektiv juridik, duke shtuar se janë evidentuar raste ku gjyqtarët kanë trajtuar në mënyrë selektive rastet civile.

Miftaraj ka theksuar se në rastet civile, dukuria e kthimit të lëndëve nga Gjykata e Apelit në rivendosje ka pësuar ngritje të theksuar.

Miftaraj ka kërkuar nga Gjykata e Apelit që të marrë përsipër vendosjen përfundimtare të rasteve, përjashtimisht rasteve kur është e domosdoshme që Gjykata e Apelit ta kthej rastin në rivendosje në shkallën e parë.

Gzim Shala, Hulumtues në IKD, tha se përkundër faktit se nga viti 2016 e deri në vitin 2019 është ngritur nuk i gjyqtarëve, numri i lëndëve të pazgjidhura vit pas viti ka pësuar ngritje. Sipas tij, sistemi gjyqësor me këtë tempo, e ka të pamundur që të arrijë stabilitet të numrit të lëndëve civile.

“Në gjashtë mujorin e parë të vitit 2019 janë kryer 166 lëndë civile më shumë se sa që janë pranuar. Me këtë tempo, sistemit gjyqësor i nevojiten plot 132 vite për të përfunduar të gjitha lëndët e pazgjidhura, të cilat barten vit pas viti."

"Sikur gjyqtarët ta arrinin normën orientuese, këto lëndë do të përfundonin për rreth 2 vite. Në këtë drejtim, është e domosdoshme që KGJK gjatë procesit të vlerësimit të performancës të ketë parasysh (mos) arritjen e normës orientuese, si dhe KGJK duhet të rishikojë vetë rregulloren që përcakton normat orientuese”.

Sipas Shalës, IKD ka gjetur trajtim selektiv të rasteve, pasi përderisa një rast civil edhe pas 22 viteve nuk ka marrë epilog, janë evidentuar raste të cilat kanë përfunduar për vetëm 35 ditë.

“Zvarritjet e procedura civile kanë dy pasoja. E para është se humb besimi i publikut në sistemin e drejtësisë dhe e dyta është se këto zvarritje bëhen faktorë kriminogjen që qytetarët të marrin drejtësinë në duar, pasi nuk kanë shpresë se rastet e tyre do ti zgjidhin përmes procedurave gjyqësore”.

Në anën tjetër, Shqiponjë Gashi, Hulumtuese në IKD, ka rekomanduar që sistemi gjyqësor të angazhohet maksimalisht që lëndët civile të kryhen brenda një afati të arsyeshëm kohor.

Në këtë drejtim, KGJK duhet të kuptojë faktin se zvarritja e lëndëve me dekada cenon rëndë të drejtat dhe liritë e qytetarëve për të pasur një proces gjyqësor brenda një afati të arsyeshëm kohor.

Po ashtu, Gashi ka rekomanduar që gjykatat të trajtojnë lëndët sipas radhës, përpos rasteve kur prioriteti ipet me ligj, dhe jo të kenë qasje selektive. Gjykatësit që shkelin këto prioritete të ligjit dhe politikave të KGJK-së të mbahen përgjegjës.

Për me tepër gjeni të bashkangjitur raportin “Drejtësia Civile në Kosovë: Ligji VS Praktika”.

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)