22 Shtator 2018

Vdekjet në vendin e punës pasojë e moszbatimit të ligjit të punës

Prishtinë, 4 korrik - Nënkryetarja Fatmire Kollçaku në konferencë për media adresoi problemet e rënda që lidhen me sigurinë në punë të punëtorëve në Kosovë.

Rasti i fundit ku humbi jetën në vendin e punës në mënyrë tragjike një i mitur në Prizren  e çon në 7 numrin e punëtorëve të vdekur në vend të punës këtë vit.

Mungesa e sigurisë në punë vjen si rezultat direkt i moszbatimit të ligjit të punës që obligon së pari insitucionet e vendit pastaj edhe vet ndërmarrjet për t’i siguruar punëtorit kushtet që ai mbrojnë jetën, shëndetin dhe dinjitetin.

“Nga janari i këtij viti 7 persona e kanë humbur jetën në vendin e tyre të punës. Rasti i fundit, që është edhe rasti më i rëndë që ka ndodhur, është ai në fabrikën e stiroporit në fshatin Mushnikovë të Prizrenit ku humbi jetën një i ri 17 vjeçar. Secili nga këto raste paraqet shkelje të dispozitave ligjore që rregullojnë të drejtat e punëtorëve në lidhje me sigurinë dhe shëndetin në punë”, tha Fatmire Kollçaku.

Inspektoriati i Punës dhe ndërmarrjet janë të obliguar t’ia sigurojnë punëtorit në punë, që nga udhëzimet dhe trajnimet, identifikimi dhe vlerësimi i rreziqeve dhe deri te marrja e masave mbrojtëse.

Inspektoriati i Punës dhe punëdhënësi duhet të ndërmarrin një sërë hapash për parandalimin e këtyre rasteve në vend të punës:

    Përkrahja dhe rritja e numrit të shkollave profesionale
    Trajnime të vazhdueshme nga ana e punëdhënësit për punëtorët e pakualifikuar
    Zbatimi i ligjit për siguri dhe shëndet në punë
    Krijimi i regjistrit të aksidenteve në punë dhe të sëmundjeve profesionale

Lëvizja VETËVENDOSJE! do ta ngre shqetësimin edhe përbrenda institucioneve të vendit siç është Kuvendi i Republikës së Kosovës për të kërkuar përgjegjësi dhe hapa konkret drejt përmirësimit të kushteve në punë dhe zbatimin e ligjit të punës.

Në vendin tonë humbja e jetës në punë nuk është në formën e "aksidentit në punë". Kushtet në të cilat punohet sidomos në sektorin e ndërtimit dhe industrisë por jo vetëm përbëjnë dhe parakushtet për humbjen e jetës së punëtorit ose të dëmtimit të shëndetit pakthyeshëm.

Vdekjet e punëtorëve tanë janë kronika të paralajmëruara shumë herët. Por qeveria që kemi aktualisht përqëdrimin themelor i ka pagat e saj jo masat mbrojtëse të punëtorëve apo shtresave më të rrezikuara.

Ministri i punës dhe mirëqënies sociale bashkë me Kryeministrin këtë fillim muaji morën dhjetra mijëra euro pagë me rritje dhe retroaktive. Ndërsa djali 17 vjeçar nga Prizreni humbi trupin e jetën tragjikisht duke u përpjekur të mblidhte pak para për studime.

Kalendari

Ngajrjet e datës 22 shtator 2018

- Ministria e Mjedisit dhe Planifikimit Hapësinor, ju njofton se në bashkë organizim me Komunën e Prishtinës, OJQ-të “Lets do it Kosova”, “REC”, “GAC” dhe SHFMU “Shkolla e Gjelbër” ju ftojmë të merrni pjesë në shënimin e 22 Shtatorit, Ditës Ndërkombëtare pa Makina. (Hapësirat para Objektit Qeveritar gjegjësisht “Ish objekti Rilindja”, ora 10:00)
 
- Në Teatrin Dodona, do te jepet shfaqja "Mustaqoshi Larosh" me regji te Melihate Qena. (Teatri Dodona, ora 12:00)

- Lëvizja Vetëvendosje mban tubim në Mitrovicë në të cilën do të flasin Albin Kurti, Agim Bahtiri, Fatmire Mulhaxha Kollçaku dhe Faruk Mujka. (Qendra e Kulturës "Rexhep Mitrovica", ora 14:00)