21 Prill 2021

Turqia e interesuar për thellimin e bashkëpunimit me institucionet e Kosovës

Prishtinë, 26 shkurt - Ministri i Punëve të Brendshme dhe Administratës Publike, Agim Veliu, ka pritur në takim ambasadorin e Turqisë në Kosovë, Cagri Sakar.

Në këtë takim  u vlerësua bashkëpunimi i mirë në mes Republikës së Kosovës dhe Republikës së Turqisë, sidomos sa i përket bashkëpunimit mes Policisë së Kosovës dhe Policisë së Turqisë.

Me këtë rast ministri Veliu theksoi prioritet e MPBAP-së, në ngritjen dhe avancimin e mëtejmë të institucioneve të sigurisë në Kosovë, reformën në administratën publike, luftimin e të gjitha formave të krimit dhe anëtarësimin e Kosovës në organizata ndërkombëtare.

Ministri Veliu u zotua se Ministrinë e Punëve të Brendshme dhe Administratës Publike, ta bëjë institucion transparent dhe kredibil, një institucion të besueshëm për të gjithë qytetarët e Kosovës dhe për partnerët tonë ndërkombëtarë.

Ndërsa ambasadori i Turqisë në Kosovë,  Cagri Sakar, e uroi ministrin për detyrën dhe shprehu përkushtimin e vendit të  tij në thellimin e mëtejmë të bashkëpunimit me institucionet e Kosovës.

 

Kalendari

Ngjarjet e datës 21 Prill 2021 - Mbahet seanca gjyqësore kundër të pandehurit Bleron Ramusholli për vepren penale 'Dhunimi'. (Gjykata Themelore në Ferizaj, ora 9:30)

- Komisioni për Buxhet, Punë dhe Transfere mban mbledhjen e radhës në të cilën do të behët shqyrtimi i Programit të Shpenzimeve të Radiotelevizionit të Kosovës dhe Kornizës Afatmesme të Shpenzimeve të Kuvendit. (Ndërtesa e Kuvendit, salla C 203, ora 10:00)