23 Mars 2019

Të hënën Kuvendi mblidhet në seancë të rregullt plenare

Prishtinë, 11 prill - Të hënën Kuvendi i Republikës së Kosovës do të mblidhet në seancë të rregullt plenare.

Kështu vendosi Kryesia e Kuvendit, në mbledhjen e sotme, të drejtuar nga Kadri Veseli, kryetar, në praninë e kryetarëve të grupeve parlamentare.

Në seancën e të hënës, Kuvendi do të mbajë pesë interpelanca, katër debate parlamentare dhe do të shqyrtojë një varg projektligjesh dhe çështjesh të tjera (shih rendin e ditës në uebfaqe).

Në mbledhjen e sotme, Kryesia shqyrtoi edhe kërkesa e çështje të tjera nga fushëveprimtaria e saj.

Kështu, Kryesia e procedoi në komisionin funksional Ligjin nr. 06/L-016 për Shoqëritë Tregtare, pas kthimit të tij nga presidenti. Po ashtu, u proceduan në komision edhe tri projektligje të tjera, për shqyrtim para miratimit në parim në seancë plenare: Projektligji për Ndryshimin dhe Plotësimin e Ligjit për Tatimin në të Ardhurat e Korporatave, Projektligji për Ndryshimin dhe Plotësimin e Ligjit për Tatimin mbi Vlerën e Shtuar dhe Projektligji për Ndryshimin dhe Plotësimin e Ligjit për Tatimin në të Ardhurat Personale.

Për mendim në qeveri, ndërkaq, u procedua nisma legjislative “Projektligji për ndryshimin dhe plotësimin e Ligjit nr. 05/L-132 për Automjete”, hartuar nga deputeti Mërgim Lushtaku, mbështetur nga 9 deputetë, si dhe nisma legjislative “Projektligji për shqyrtimin dhe vërtetimin e pasurisë së pajustifikueshme”, hartuar nga Grupi Parlamentar i Lëvizjes Vetëvendosje.

Kryesia miratoi edhe Propozim-Kornizën Afatmesme të shpenzimeve të Kuvendit të Republikës së Kosovës për periudhën 2019-2021, konform rekomandimit të Komisionit për Buxhet dhe Financa.

​

 
 

Kalendari

Ngjarjet e datës 23 mars 2019 - Federata e pingpongut të Kosovës në bashkëpunim me Kpp Vitia nën patronatin e Komunës së Vitisë do të organizoj Turneun për senior Flakadani i Karadakut. (Salla e Shkollës së Mesme Teknike 'Jonuz Zejnullahu' në Vitiora, ora 9:30)

- Shoqata "Miqtë e Amerikës" do ta bëjë zëvendsimin e flamurit amerikan te shtatorja e Bill Clintonit në Prishtinë, me një të ri. (Shtatorja e Bill Clintonit, ora 11:00)

- Gjimnazi “Hasan Nahi”, në kuadër të Fondacionit për Arsim dhe Kulturë “Atmosfera”, organizon edicionin e gjashtë me radhë - Garën e Inteligjencës "Eureka 6". (Ambienti i Gjimnazit “Hasan Nahi” në Prishtinë, ora 11:00)

- Kryeparlamentari Kadri Veseli merr pjesë në shënimin e 30-vjetorit të demostratave të 23 marsit 1989 me nismëtare gratë dhe vajzat e Balajve. (Teatri “Adriana” - Ferizaj, ora 11:00)

- UBT dhe Raiffeisen Bank mbajnë garën më të madhe në vend “Data Science Hackathon”. (Kampusi i UBT-së në Lipjan, ora 11:00)

- Kryeministri Ramush Haradinaj bënë homazhe te Pllaka Memoriale e ushtarëve të KFOR-it, të rënë gjatë shërbimit në Kosovë. (Sheshi “Nëna Terezë”, ora 12:00)

- Kryeministri Ramush Haradinaj bënë homazhe te Pllaka Përkujtimore me emrat e ushtarëve britanikë, që humbën jetën në shërbim në Kosovë. (Sheshi “Edit Durham”, afër Hotelit Grand, ora 12:10)