17 Qershor 2019

Sot shënohet Dita Botërore e sindromës Down

Prishtinë, 21 mars - Shoqata Down Syndrome Kosova, organizon sot aktivitete në nderë të Ditës Botërore të sindromës Down.   

Në kuadër të kësaj ngjarje edhe këtë vit organizohen aktivitete të cilat kanë për qëllim të ngrisin vetëdijen e qytetarëve mbi nevojat dhe realizimin e të drejtave të personave me sindromën Down, në kuadër të shënimit të Ditës Botërore.

Në kuadër të kësaj dite do të përurohen hapësirat e reja të Shoqatës Down Syndrome Kosova qendra në Prishtinë.

 Në këtë aktivitet do të marrin pjesë Kryetari i Komunës së Prishtinës Shpend Ahmeti, së bashku me Drejtorin e Drejtorisë së Mirëqenies Sociale në Komunën e Prishtinës Dren Kukaj si dhe Hajdar Hoxha Drejtor Ekzekutiv në Ndërrmarrjen Publike Banesore.

Po ashtu gjatë kësaj dite do të organizohet edhe konferenca “Aftësia e Kufizuar Intelektuale në Kosovë”.
 
Në kuadër të kësaj konference do të jenë të ftuar përfaqësues të institusioneve qendrore të Republikës së Kosovës, njohës të fushës së Aftësisë së Kufizuar intelektuale në Kosovë si dhe aktivistë dhe mbështetës të kauzës sonë.

Kjo Konferencë organizohet në kuadër të projektit “Mëso më Mbështet Mua”, që  zbatohet nga Shoqata Down Syndrome Kosova.

Projekti financohet nga Zyra e  Bashkimit Evropian në Kosovë, bashkë-financohet nga Agjencia Suedeze për Zhvillim dhe Bashkëpunim Ndërkombëtar (SIDA), dhe mbështetet nga Save the  Children në Kosovë në bashkëpunim me Qendrën Evropiane për Politika të  Mirëqenies Sociale dhe Kërkim.
 

Kalendari

Ngjarjet e datës 17 qershor 2019 - Komuna e Prizrenit nënshkruan kontratë me organizatën Caritas për “Kujdesin Socio-Shëndetësor, shtëpiak dhe ambulator për qytetarët e Komunës së Prizrenit”. (Shtëpia e Bardhë, ora 9:00)

- Komuna e Prizrenit organizon konferencë me temën “Për zhvillim të qëndrueshëm në Rajonin e Zhupës - Kundër Hidrocentraleve”. (Restaurant Fuad-As në fshatin Reçanë, ora 10:00 - transporti i organizuar nga ana e Komunës, nisja nga Shtëpia e Bardhë, ora 9:20)

- Komisioni Hetimor Parlamentar në lidhje me gjendjen në PTK dhe Vala interviston Rexhë Gjonbalaj, ish Kryetar i Bordit të Drejtoreve të PTK-së. (Ndërtesa e Kuvendit, salla N204, ora 10:00)

- Organizatat e shoqërisë organizojnë Marshin e Refuzimit, i cili do të zhvillohet në kundërshtim të Projektligjit për Financimin e Subjekteve Politike. (Marshi do të nis nga sheshi “Skënderbeu”, ora 10:00)

- Në kuadër të fushatës "Të flasim për ekonominë!" të Zyrës së Bashkimit Evropian në Kosovë mbahet diskutimi në panel "kontributi i Kodit Civil në zhvillimin e qëndrueshëm ekonomik dhe ndërmarrësinë e grave në Kosovë". (Shtëpia e Evropës, ora 10:30)

- Kryeministri Ramush Haradinaj bën homazhe në Kompleksin Memorial “Dëshmorët e Kombit” në Gllogjan, me rastin e njëvjetorit të vdekjes së veteranit të luftës së UÇK-së, Hilmi Haradinaj, baba i tre heronjve të kombit. (Kompleksi Memorial në Gllogjan, ora 11:00)

- Drejtori i Administratës në Komunën e Gjilanit, Bardhyl Syla mban konferencë për media lidhur me punën 5-mujore dhe planifikimi për tre muajtë e ardhshëm i drejtorëve të Komunës. (Zyra e kryetarit të Komunës, këndi i konferencave, ora 11:00)

- Mbahet mbledhja komemorative për të ndjerën Prof. Dr. Mandushe Berisha. (Fakulteti Filologjik, ora 11:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi shqyrton kërkesen e Këshillit Kombëtar Shqiptar dhe njoftimi i Komisionit lidhur me vizitën e realizuar në Luginë të Preshevës si dhe diskuton lidhur me tekstet e reja shkollore e riorganizimin e shkollave. (Ndërtesa e Kuvendit, salla N 302, ora 13:00)

- Lëvizja FOL organizon Forumin e FOL Hapur me shefen e Zyrës së BE-së në Kosovë znj. Apostolova dhe ministrin e Administratës Publike Mahir Yagcilar ku temë diskutimi do të jetë ‘Etika në Administratën Publike”. (Zyrat e Lëvizjes FOL, ora 15:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Ajo" nga More Raça dhe "Martesa" nga Blerta Zeqiri. (Kino Armata, ora 20:00)