20 Shtator 2021

SHBA me rol të rëndesishëm në ngritjen e kapaciteteve të FSK-së

Prishtinë, 14 shtator - Zëvendësministri i Ministrisë së Mbrojtjes, Shemsi Syla, i shoqëruar nga zv. komandanti i FSK-së, gjeneral major Enver Cikaqi, pritën në takim komandantin e Korpusit V të ushtrisë amerikane, gjenerallejtënant John Kolasheski, të shoqëruar nga oficerë të lartë të këtij Korpusi.

Qëllimi i këtij takimi ishte në vazhdën e bashkëpunimit në mes të Ministrisë së Mbrojtjes e FSK-së me ushtrinë e SHBA-së si partneri më i madh dhe i pazëvendësueshëm strategjik.

Me këtë rast, zv.ministri Syla shprehu nderin dhe kënaqësinë për vizitën e Gjeneral Kolasheskit duke theksuar se objektivi parësor i Ministrisë së Mbrojtjes është ngritja, zhvillimi dhe avancimi i aftësive dhe kapaciteteve operacionale të FSK-së për përmbushjen efektive të misionit dhe detyrave të saja ligjore.

“Të gjitha përvojat e deritashme që kemi me SHBA janë garanci për shtyrjen përpara të proceseve nëpër të cilat është duke kaluar MM dhe FSK”, tha zëvendësministri Syla.

Nga ana e tij, gjeneral Cikaqi theksoi se SHBA ka pasur dhe ka rolin kyç për të arriturat e deritashme të FSK-së dhe synimet tona për të ardhmen.

Ai gjithashtu theksoi se me ngritjen e kapaciteteve të FSK-së, përveç misionit për sigurinë e vendit, të jemi edhe partner serioz  në misionet e përbashkëta shumëkombëshe të udhëhequra nga SHBA në shërbim të paqes, sigurisë dhe stabilitetit rajonal e më gjerë.

Ndërsa gjenerallejtënant John Kolasheski tha se SHBA-ja është e përkushtuar për të kontribuar në sigurinë e Evropës në përgjithësi për të ofruar shpresë për paqe për të gjithë njerëzit.

 

Kalendari

Ngjarjet e datës 21 Shtator 2021

- Anëtarët e Këshillit Shtetëror të Cilësisë të Agjencisë së Kosovës për Akreditim raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë raportin analitik “Më shumë zgjedhje përmes politikave miqësore për familjen”, të shkruar nga David JJ Ryan në emër të RrGK-së. (Hotel Sirius, ora 11:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për tregtinë me produkte të naftës dhe karburante të ripërtërishme. (Ndërtesa e Kuvendit, salla N506, ora 11:00)

- Kryetari i Kuvendit të Republikës së Kosovës, Glauk Konjufca, pret në takim ministren e Shtetit për Marrëdhënie me Parlamentin e Republikës së Shqipërisë, Elisa Spiropali. (Kabineti i kryetarit, ora 11:45 - Mediat mund të marrim pamje në fillim të takimit)  

-  Komisioni për Bujqësi, Pylltari, Zhvillim Rural, Mjedis, Planifikim hapësinor dhe Infrastrukturë themelon grupet punuese për projektligjet të cilat kanë kaluar leximin e parë. (Ndërtesa e Kuvendit, salla N302, ora 13:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet  Zëvëndeskryeministërin Besnik Bislimi. (Ndërtesa e Kuvendit, salla C203, ora 13:00)

- Kryetari i Komunës dhe njëherësh kandidati për kryetar të Komunës  nga Lëvizja Vetëndosje! në Prizren, Mytaher Haskuka, së bashku me nenkryetarin e Kuvendit, Glauk Konjufca do të vizitojne fshatin Hasi I - Gjonaj. (Vendtakimi në oborrin e ambulantës, ora 18:00)

- Zhvillohet ndeshja Kosovë - Norvegji në konkurrencën e femrave. (Stadiumi “Fadil Vokrri”, ora 19:00)