21 Tetor 2019

Sekuestrohet arma në pronësi ilegale

Prizren, 17 korrik - Me datën 16 korrik 2019, gjatë një ahengu familjar në fshatin Gjonaj, pronari i shtëpisë dhe mbajtësi në pronësi dhe posedim në mënyrë të paautorizuar të armës, duke festuar ka përdorur armën duke shtënë në ajër disa herë. Me këtë veprim i njëjti ka kryer vepër penale dhe rasti është raportuar në Polici.

Policia sapo ka pranuar informacionin menjëherë ka dalë në vendin e ngjarjes dhe tek i dyshuari B. Ç., m/sh/k, i lindur në vitin 1981, ka gjetur në posedim dhe përdorim të armës Pistoletë 20 ZORAKI, M906 të kalibrit 9mm.

Hetuesit dhe njësiti i krim teknikës ka dalë në vendin e ngjarjes dhe arma është sekuestruar.

Në lidhje me rastin është njoftuar prokurori kompetent në Prokurorinë Themelore në Prizren dhe hetimet janë duke vazhduar.

Policia e Kosovës në vazhdimësi apelon që armët e zjarrit të mos përdoren nëpër ahengje familjare dhe vende publike, si dhe njoftojmë qytetarët se Policia do të reagojë menjëherë në këto raste sipas planit operativ “Festo me zemër e jo me armë”.
      

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)