16 Tetor 2019

Sekuestrim i armëve në rajonin e Prizrenit

Prizren, 16 shtator - Me datën 15 shtator Policia në rajonin e Prizrenit, në dy raste ka sekuestruar armë në pronësi ilegale dhe në përdorim të gjuetisë së jashtëligjshme.
         
Në rastin e parë në Suharekë pas një informacioni të marrë se në fshatin Duhël janë dëgjuar të shtëna nga një automjet me targa vendore, Policia menjëherë duke reaguar ka arritur të ndalojë automjetin e dyshimtë të tipit Audi me targa vendore dhe në këtë rast gjatë kontrollimit të personit  A. K. i lindur në vitin 1981,  në automjet ka gjetur një armë pistoletë e cila është sekuestruar.

Ndërsa në rastin e dytë pas pranimit të një informacioni se në fshatin Kabash-Has është duke u ushtruar veprimtari e kundërligjshme e gjuetisë së kafshëve të egra, Policia ka reaguar menjëherë dhe pikërisht në këtë vend ka ndaluar automjetin e dyshimtë Mitsubishi me targa vendore dhe gjatë kontrollimit ka hasur në katër armë ilegale të tipit pushkë gjuetie.

Të dyshimit L. K. i lindur në vitin 1986, L. Q. i lindur në vitin 1985, K. D. i lindur në vitin 1983 dhe L. Q. i lindur në vitin 1988 janë proceduar para organit hetues dhe ngarkohen me veprën penale ‘mbajtje në pronësi, kontroll dhe posedim të paautorizuar të armëve’ dhe ‘gjueti e kundërligjshme’, pasi gjatë kontrollimit në veturë është gjetur edhe një kafshë derr i egër i vrarë nga ky aktivitet i jashtëligjshëm.

Pas trajtimit të këtyre rasteve dhe njoftimit të prokurorit kujdestar, hetimet janë duke vazhduar në procedurë të rregullt.

 

Kalendari

Ngjarjet e datës 16 tetor 2019

- Fillon procesi i numërimit të votave përmes postës. (Qendra e Numërimit dhe Rezultateve,  ora 10:00)

- Instituti Kërkimor për Çështje Evropiane dhe të Zhvillimit bën prezantimin e studimeve të radhës brenda serisë së studimeve rreth fazes finale të dialogut Kosovë-Serbi. (Hotel Swiss Diamond, ora 10:15)

- Ministria e Tregtisë dhe Industrisë shënon Ditën Botërore të Standardeve. (Hotel Emerald, ora 10:30)

- Green Art Center organizon aktivitet në komunën e Vushtrrisë i cili synon të sensibilizojë qytetarët dhe të ndikojë në edukimin e brezave të rinj për rëndësinë e mbrojtjes së mjedisit”. (Sheshin e qytetit “Hasan Prishtina” në Vushtrri, ora 12:00)

- Në kuadër të promovimit të romanit “Elefantët në kopsht” të autores Kureyshi Qendra Multimedia organizon bisedën e hapur të autores zvicerane Meral Kureyshi me gazetarin Enver Robelli. (Qendra Multimedia, rr. 'Idriz Gjilani' në Prishtinë, ora 19:00)