23 Tetor 2019

Së shpejti fillon rekrutimi i noterëve të rinj

Prishtinë, 12 korrik - Ministri i Drejtësisë, Abelard Tahiri ka mbajtur sot një konferencë për shtyp, së bashku me dy anëtarë të komisionit për provimin e Noterisë, në të cilën ka sqaruar për opinionin publik rrjedhën e organizimit dhe mbajtjes së provimit të Noterisë.

Ministri Tahiri ka vlerësuar se ky proces, origjinën e ka në reformat që janë paraparë me ligjin e ri për Noterinë i cili ka hyrë në fuqi në fillim  të vitit 2018.

“Në qendër të reformës që kemi realizuar, ka qenë adresimi i sfidave të sistemit noterial në raport me shërbimet ndaj qytetarëve. Përkundër faktit se këto shërbime janë ofruar nga noterët, karakteristikat e përgjithshme të kësaj fushe para hyrjes në fuqi të këtij ligji, kanë qenë se jo të gjitha qytetet kanë pasur noterë, jo të gjitha komunitetet kanë pasur noterë, ka pasur nevojë për të zgjeruar fushën e veprimit të noterisë në çështje vitale për qytetarët, siç është çështja e trashëgimisë dhe  mungesa e numrit të mjaftueshëm të noterëve, në raste të caktuara ka nxitur një praktikë të thellë të monopolit në këtë fushë” ka thënë Ministri Tahiri.

Ai shtoi se për të tejkaluar këto situata, me ligjin e ri për Noterinë, është  paraparë në mes tjerash, rritja e numrit të noterëve sipas formulës së re 1 noter në 10 mijë banorë.

Sa i përket rrjedhës së provimit të Noterisë, Ministri Tahiri ka specifikuar se që nga përzgjedhja e komisionit vlerësues sipas parametrave të përcaktuar me ligj e deri tek siguria e plotë e konfidencialitetit të testit, çdo gjë ka qenë e organizuar në mënyrë profesionale e kredibile.

“Ka pasur kritere aq rigoroze të vlerësimit, saqë krahasimi i numrit të atyre që i janë nënshtruar provimit dhe atyre që përfundimisht kanë dhënë provimin e noterisë është instrument objektiv i matjes. Ky është standard i ri që shumëkush mund të mos jetë mësuar por ja që kur ka vullnet për t’i bërë gjërat në mënyrë profesionale, gjërat janë të mundshme” ka thënë Tahiri.

Ai po ashtu njoftoi se tani e tuje vazhdon faza për rekrutimin e noterëve, sipas përcaktimit të paraparë në ligj. “Qasja në drejtësi është imperativ i patjetërsueshëm dhe shumë shpejt do të nisë rekrutimi i noterëve të rinj” ka thënë ministri Tahiri

Ministri Tahiri adresoi edhe komentet që kanë qenë subjekt i raportimeve në media rreth çështjes së provimit të Noterisë.

Ai shtoi se konkursi ka qenë publik, i hapur për të gjithë qytetarët që kanë plotësuar kriteret preliminare, dhe se askush nuk është inkurajuar e as dekurajuar të aplikojë për provim.
                       
“Kur një gjë të tillë nuk e ndalon ligji, mbi çfarë baze mund t’ua ndalosh individëve të lirë të kësaj shoqërie që të marrin pjesë në garë” tha me këtë rast Ministri Tahiri.

Sipas Ministrit Tahiri, kërkesa për pezullimin e këtij aktiviteti profesional e të bazuar në ligj, si një kërkesë tërësisht politike, ka pasur për qëllim kohëzgjatjen e monopolit në këtë fushë.

“Përballë këtij fakti, dëshiroj të sqaroj për ju dhe gjithë opinionin publik se si Ministër i Drejtësisë, shërbej për dy milionë qytetarë e jo për miliona euro të atyre që kanë monopol në fushën e noterisë” përfundoi Ministri Tahiri.

 

Kalendari

Ngjarjet e datës 24 tetor 2019 - Mbahet konferenca më e madhe në rajon në fushën e Teknologjisë së Informacionit dhe të Komunikimit Tech Festivalitn KosICT8. (Ambientet e “Kino Armatës” dhe në amfiteatrin e sheshit “Zahir Pajaziti”, ora 9:30)

- Komuna e Prizrenit mban mbledhjen e radhës te Këshillit Komunal për Siguri në Bashkësi, e thirrur nga kryetari, Mytaher Haskuka. (Ndërtesa e Kuvendit të Komunës, Shtëpia e Bardhë, ora 10:00) 

- Zëvendësshefi i Zyrës së BE/PSBE, Riccardo Serri, do të vizitojë Qendrën Mësimore në Fushe Kosove, që është pjesë e projektit të financuar nga BE i cili synon të sigurojë prospekte më të mira për arsim për fëmijët dhe të rinjtë rom, ashkali dhe egjiptian. (Qendra Mësimore në Lagjen 29 në Fushë Kosovë, afër stacionit të trenave, qendra Fidan Lahi, ora 10:00) 

- Për nder të jubileut të 10-vjetorit të punës së Gjykatës Kushtetuese do të mbahet konferenca ndërkombëtare në temën “Sigurimi i sundimit të ligjit dhe i të drejtave të njeriut përmes mekanizmave të drejtësisë kushtetuese: Sfidat e shekullit 21”. (Hotel Emerald, ora 10:00)

- Instituti Kërkimor për Çështje Evropiane dhe të Zhvillimit bnë prezantimin e studimit të radhës brenda serisë së studimeve rreth fazes finale të dialogut Kosovë - Serbi për Pretendimet e Serbisë mbi ‘Investimet’ në Kosovë nga Ndërmarrjet Shoqërore Serbe pas Vitit 1999 në Kontekstin e Marrëveshjes Eventuale Ndërmjet Kosovës dhe Serbisë. (Hotel Sirius, ora 10:15)

- KEDS organizon aktivitetin me rastin e Javës Evropiane për Siguri dhe Shëndet në Punë. (Qendra e Trajnimit ngjitur me Parkun e Biznesit në Drenas, ora 10:30)

- Agjencia për Arsim dhe Aftësim Profesional dhe Arsim për të Rritur organizon aktivitetin e shënimit të themelimit të qendrës për karrierë në Shkollën e Mesme të Lartë Profesionale “Shtjefën Gjeçovi”. (Objekti i SH.M.L.P “Shtjefën Gjeçovi” në Prishtinë, ora 10:30)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Fehmi Agani" në Gjakovë Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Gjakovë, ora 11:00)

- SOS Fshatrat e Fëmijëve Kosovë organizojnë ceremoninë e hapjes zyrtare të projektit “Fuqizimi dhe aftësimi i të rinjëve përmes mundësive të reja – YEEP!”. (Hotel Emerald, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën e Mesme të Lartë "Gjon Buzuku" në Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Prizren, ora 13:00)

- Rrjeti i Grave të Kosovës organizon konferencë për media për të shpallur zyrtarisht përfituesit e granteve të Fondit të Grave të Kosovës me shumën prej 66,429.50 euro. (Hotel Sirius, ora 14:00)

- Në kuadër të panairit ndërkombëtar të Agrobiznesit dhe Ushqimit mbahen takimet B2B me bizneset e Malit te Zi. (Salla 1 Tetori, ora 14:00)