27 Shkurt 2020

Rekrutët e rinj të FSK-së dhanë betimin

Prishtinë, 15 nëntor - Në kazermën „Adem Jashari“ të Forcës së Sigurisë të Kosovës në Prishtinë, sot u mbajt ceremonia e betimit të 337 rekrutëve të rinj, gjenerata e dytë e FSK-së, pas përfundimit të trajnimit bazik nëntë-javorë në Komandën e Doktrinës dhe Stërvitjes në Ferizaj.

Në ceremoninë e betimit ishin të pranishëm: Zëvendësministrat Burim Ramadani dhe Kadri Kastrati, komandanti i FSK-së, gjenerallejtënant Rrahman Rama, gjeneralë, oficerë dhe nënoficerë të FSK-së, atashe ushtarakë, përfaqësues të NALT-it, përfaqësues të institucioneve shtetërore dhe publike, si dhe familjarë të rekrutëve dhe mysafirë të shumtë.

Në fjalën e tij, zëvendësministri i Mbrojtjes Burim Ramadani, pasi përshëndeti të pranishmit në emër të Ministrit të Mbrojtjes, tha se; sot për mua, sikurse për të gjithë ne, është një ditë e veçantë. Ai duke iu drejtuar të pranishmeve tha se padyshim se „aseti më i çmuar i FSK-së janë vetë pjesëtarët e saj profesionist - ushtarët, nënoficerët dhe oficerët. Jo rastësisht Forca e Sigurisë është institucioni më i besueshëm në Kosovë për gati një dekadë me radhë.

FSK sot, është profesionale, kredibile, multi-etnike, e gatshme për të ndihmuar paqen dhe sigurinë në vend, në rajon dhe kudo nëpër botë“.

Zv. ministri Ramadani duke iu drejtuar rekrutëve tha: „Ju po bëheni pjesë e Forcës sonë në një etapë të rëndësishme për të ardhmen tonë të përbashkët. Në kohën kur transicioni ushtarak i FSK-së është në rrugë të mbarë, kur Ministria e Mbrojtjes po konsolidohet dhe FSK-ja po rritet e forcohet. Vizioni ynë është që Kosova të jetë e sigurt, e mbrojtur dhe prosperuese“.

Në fund, zv. ministri Ramadani tha se „Vullneti ynë është bashkëpunimi me të gjithë në rajon, të bindur se kjo i ndihmon paqes. Interesi ynë nacional është konsolidimi i plotë i shtetit tonë. Rruga jonë përpara është thellimi i partneritetit strategjik me SHBA dhe anëtarësimi në NATO“.

Ndërsa, komandanti i FSK-së, gjenerallejtënant Rrahman Rama, në fjalën e tij, tha: „Kam kënaqësinë dhe nderin që si Komandant i FSK-së, t’ju drejtohem juve ushtarë të nderuar, për përfundimin me sukses të trajnimit bazik. Ju zgjodhët një profesion fisnik për t’i shërbyer vendit dhe qytetarëve të Kosovës pa dallim, dhe për këtë ju duhet të ndiheni krenar“. 

Komandanti i FSK-së, më tej shtoi se; „FSK-ja është një forcë kredibile, multietnike, e trajnuar dhe e pajisur me standardet e NATO-s, transparente dhe e gatshme të koordinohet me të gjithë partnerët vendor dhe ndërkombëtar. Sot, FSK-ja ka kapacitetet e specializuara që mund të ndihmojnë paqen dhe sigurinë kudo në botë krah për krah me ushtarët e vendeve të NATO-s“.

Gjenerali Rrahman Rama, foli edhe për suksesin e FSK-së, gjatë këtij viti. „Ne po e përmbyllim edhe një vit të suksesshëm. Ne po punojmë ngushtë me partnerët tanë strategjikë që FSK-ja të jetë e trajnuar sipas standardeve të NATO-s dhe e gatshme për operacione që garantojnë paqe e stabilitet në rajon e më gjerë“.

Gjenerali Rrahman Rama, duke iu drejtuar rekrutëve tha; ,,Gjatë karrierës tuaj, ju do të ballafaqoheni me sfida të ndryshme, andaj nga ju pritet që të jeni të disiplinuar, të përkushtuar, dhe gjithmonë të përgatitur t’i kryeni detyrat sipas udhëzimeve të eprorëve tuaj’’.

Në fund komandanti i FSK-së, përgëzoj stafin e KDS-së, për kontributin e tyre profesional në zhvillimin e të gjithë pjesëtarëve të FSK-së, si dhe e familjarët e rekrutëve për mbështetjen e tyre gjatë shkollimit.

 Komandanti i KDS-së, gjeneral brigade Irfete Spahiu, bazuar në rezultatet e treguara të rekrutëve gjatë trajnimit bazë, shpërbleu këta rekrutë me Lëvdata: Behar Gashin, Hashif Avdiun, Ardian Mziun, Dardan Krasniqin, Alfred Hazirajn, Elvis Haxhollin, Valdrin Selimin dhe Liridon Bekën, ndërsa për arritje të lartë fizike shpërbleu rekrutët: Fisnik Hysenin dhe Vijona Kryeziun.

Në fund të ceremonisë, dhanë betimin 337 rekrutë të rijnë; prej tyre 251 meshkuj, 47 femra dhe 38 pjesëtarë nga radhët e komuniteteve jo shumicë.

 
 

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)