29 Shkurt 2020

QKSS prezanton perceptimin publik mbi kërcënimet e sigurisë kombëtare

Prishtinë, 14 shkurt - Qendra Kosovare për Studime të Sigurisë (QKSS) në bashkëpunim me Qendrën e Beogradit për Politika të Sigurisë (BCSP) organizojnë konferencën "Faza përfundimtare: Rifillimi i Dialogut Kosovë-Serbi", ku do të publikohen gjetjet e raportit Barometrit Kosovar të Sigurisë - Edicioni special mbi Dialogun Kosovë-Serbisë.  

Raporti paraqet çështjet si zbërthimi i perceptimit publik të Kosovës mbi kërcënimet kryesore të sigurisë kombëtare të Kosovës.

Po ashtu raporti paraqet edhe çështjen që kanë të bëjnë me dialogun ndërmjet Kosovës dhe Serbisë dhe pikëpamjet e të intervistuarve ndaj vendeve të Ballkanit Perëndimor, vendeve evropiane dhe fuqive globale që kanë një ndikim në politikën e jashtme të Kosovës.

Ky raport ofron një interpretim të plotë dhe të hollësishëm të të dhënave në lidhje me perceptimin e opinionit publik bazuar në një grup të paracaktuar të pyetjeve për çështjet në fjalë. 

 

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)