02 Shkurt 2023

Qeveria Gjermane dhuroi donacion për Policinë e Kosovës

Prishtinë, 8 dhjetor - Ministri i Punëve të Brendshme, Xhelal Sveçla mori pjesë në ceremoninë e pranim- dorëzimit të donacionit nga Republika Federale e Gjermanisë për Policinë e Kosovës.

Ky donacion në vlerë rreth 500 mijë euro është i dedikuar për Policinë Kufitare dhe vjen si rezultat i bashkëpunimit mbi dy dekada që kanë Qeveria e Republikës së Kosovës dhe ajo e Republikës së Gjermanisë.

Me këtë rast ministri i Punëve të Brendshme, Xhelal Svecla falënderoj qeverinë qjermane dhe shprehu mirënjohjen e Qeverisë së Republikës së Kosovës për bashkëpunimin dhe partneritetin e shkëlqyer ndër vite në mes të dy shteteve.

Ministri Sveçla tha se donacioni nga qeveria gjermane që ka dhuruar me pajisje e fundit moderne për policinë kufitare do të lehtësojë punën dhe do të ndihmojë në luftimin e trafikimit me qenie njerëzore, mallrave, të kontrabandës dhe krimit.

Gjithashtu ministri Sveçla theksoi se në korrik është nënshkruar Marrëveshja e Bashkëpunimit të projektit ,,SCOPE”  për partneritetet e Përbashkëta Evropiane në mes të Policisë Federale Gjermane dhe Policisë së Kosovës dhe qëllimi i këtij bashkëpunimi është shkëmbimi i informacioneve për migracionin e paligjshëm, lëvizjet e paligjshme dhe të organizuara të njerëzve, falsifikimin e dokumenteve dhe aktivitet që lidhen me emigrimin e paligjshëm.

Kjo marrëveshje parasheh edhe ngritjen e hetimeve paralele dhe ekipeve të përbashkëta të hetimit në mes të dy policive, përdorimit të dosjeve të SIENA-s dhe EUROPOLIT.


 

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)