20 Janar 2020

Promovohet raporti për rrezikshmërinë nga korrupsioni në sektorin e noterisë

Prishtinë, 29 tetor - Programi i Kombeve të Bashkuara për Zhvillim (UNDP) në Kosovë, përmes projektit Mbështetje Përpjekjeve Kundër Korrupsionit (SAEK II) do të lansojë gjetjet e Raportit mbi Vlerësimin e Rrezikshmërisë nga Korrupsioni në sektorin e noterisë në Kosovë. 

Raporti i vlerësimit të rrezikut nga korrupsioni për sektorin e noterëve është një vlerësim i rreziqeve të korrupsionit dhe jep rekomandime për reforma.

Është raporti më i fundit në një seri vlerësimesh të rrezikut nga korrupsioni që UNDP/SAEK II ka përgatitur në të kaluarën duke mbështetur sektorë të ndryshëm përfshirë: arsimin, shëndetësinë, minierat, integritetin gjyqësor dhe raportin lidhur me aktivitetet e mundshme të shpërlarjes së parave. 

Zyra e UNDP-së në Kosovë do të vazhdojë të mbështesë institucionet e drejtësisë dhe ato juridike në përpjekjet tona të përbashkëta për të arritur Objektivat e Qëndrueshme të Zhvillimit (SDGs) të OKB-së,  në rast konkret Objektivin 16, për Paqe, Drejtësi dhe Institucione të Fuqishme.

Raporti është mundësuar falë mbështetjes së Zyrës Zvicerane për Bashkëpunim në Kosovë.

 

Kalendari

Ngjarjet e datës 20 janar 2020

- Zyra e BE-së/Përfaqësuesi Special i BE-së në bashkëpunim me Qendrën për Arsim të Kosovës dhe organizatat e tjera joqeveritare, anëtare e “Rrjetit të Kosovës për punësim dhe arsim” do të organizojnë konferencën përfundimtare e cila do të përqendrohet në arsim dhe punësim. (Hoteli Swiss Diamond, ora 9:30)

- Kryetari i Komunës së Prizrenit, Mytaher Haskuka do të mbajë takim me qytetarë, ku do të njoftojë për punën e Komunës së Prizrenit gjatë vitit 2019. (Salla e Kuvendit Komunal në Shtëpinë e Bardhë, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Prishtinës. (Shkollën Model në Prishtinë, ora 11:00)

- Kryetari i Kuvendit të Republikës së Kosovës, Glauk Konjufca, ka thirrur mledhjen e parë të Kryesisë së Kuvendit të Republikës së Kosovës, të Legjislaturës VII. (Ndërtesa e Kuvendit, Salla C 301, ora 11:00)

- Ministri i Drejtësisë, Abelard Tahiri, do të marrë pjesë në Akademinë Përkujtimore, në dy vjetorin e vdekjes së veprimtarit të Çështjes Kombëtare, Jonuz Musliu. (Shtëpia e Kulturës në Bujanoc, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Obiliqit. (Shkolla "Ismail Dumoshi" në Obiliq, ora 14:00)

- Hapet ekzposita "Cikël me Peizash" nga piktori Anton Krasniqi. (Kafe Atelie +S, rruga 'Avdyl Frasheri' nr. 42, Prishtinë, ora 19:00)