17 Qershor 2019

Prokuroria Themelore në Gjilan zhvillon kolegjiumin e fundit për vitin 2018

Gjilan, 31 dhjetor - Kryeprokurori i Prokurorisë Themelore në Gjilan, ditën e sotme, ka zhvilluar kolegjiumin e fundit përmbyllës, dhe njëherësh takimin e pesëdhjetë e tretë (53) për vitin 2018, me prokurorët e kësaj prokurorie.

Në këtë takim, pikë e rendit të ditës ishte prezantimi i rezultateve të punës nga çdo prokurorë, ku nga raporti i prezantuar, rreth 98% e lëndëve janë të kryera dhe nga këto statistika vërehet se kjo prokurori ka pasur rezultate të mira dhe rritje të efikasitetit të punës, pasi që çdo vit në regjionin e Gjilanit, kriminaliteti në përgjithësi është në rënie.

Gjithashtu, përpos të arriturave, u diskutuan edhe problemet me të cilat ballafaqohet kjo prokurori, duke theksuar se duhet përkushtuar dhe vepruar më shumë, në drejtim të veprave penale të narkotikëve dhe të dhunës në familje, të cilat këtë vit kanë shënuar rritje.

Me qëllim që këto raste të trajtohen me prioritet, ashtu si për rastet e dhunës në familje, është paraparë që në vitin 2019 edhe për veprat penale me narkotikë, të caktohet një prokuror, i cili ekskluzivisht do të merret vetëm me trajtimin e rasteve të kësaj natyre.

Po ashtu, Kryeprokurori theksoi se është i kënaqur me punën e prokurorëve dhe në fund të gjithë me bindje çmuan mundësinë e përparimit të vazhdueshëm të prokurorisë në garantim të zbatimit të ligjit dhe përmbushjen e misionit të saj kushtetues.

Kalendari

Ngjarjet e datës 17 qershor 2019 - Komuna e Prizrenit nënshkruan kontratë me organizatën Caritas për “Kujdesin Socio-Shëndetësor, shtëpiak dhe ambulator për qytetarët e Komunës së Prizrenit”. (Shtëpia e Bardhë, ora 9:00)

- Komuna e Prizrenit organizon konferencë me temën “Për zhvillim të qëndrueshëm në Rajonin e Zhupës - Kundër Hidrocentraleve”. (Restaurant Fuad-As në fshatin Reçanë, ora 10:00 - transporti i organizuar nga ana e Komunës, nisja nga Shtëpia e Bardhë, ora 9:20)

- Komisioni Hetimor Parlamentar në lidhje me gjendjen në PTK dhe Vala interviston Rexhë Gjonbalaj, ish Kryetar i Bordit të Drejtoreve të PTK-së. (Ndërtesa e Kuvendit, salla N204, ora 10:00)

- Organizatat e shoqërisë organizojnë Marshin e Refuzimit, i cili do të zhvillohet në kundërshtim të Projektligjit për Financimin e Subjekteve Politike. (Marshi do të nis nga sheshi “Skënderbeu”, ora 10:00)

- Në kuadër të fushatës "Të flasim për ekonominë!" të Zyrës së Bashkimit Evropian në Kosovë mbahet diskutimi në panel "kontributi i Kodit Civil në zhvillimin e qëndrueshëm ekonomik dhe ndërmarrësinë e grave në Kosovë". (Shtëpia e Evropës, ora 10:30)

- Kryeministri Ramush Haradinaj bën homazhe në Kompleksin Memorial “Dëshmorët e Kombit” në Gllogjan, me rastin e njëvjetorit të vdekjes së veteranit të luftës së UÇK-së, Hilmi Haradinaj, baba i tre heronjve të kombit. (Kompleksi Memorial në Gllogjan, ora 11:00)

- Drejtori i Administratës në Komunën e Gjilanit, Bardhyl Syla mban konferencë për media lidhur me punën 5-mujore dhe planifikimi për tre muajtë e ardhshëm i drejtorëve të Komunës. (Zyra e kryetarit të Komunës, këndi i konferencave, ora 11:00)

- Mbahet mbledhja komemorative për të ndjerën Prof. Dr. Mandushe Berisha. (Fakulteti Filologjik, ora 11:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi shqyrton kërkesen e Këshillit Kombëtar Shqiptar dhe njoftimi i Komisionit lidhur me vizitën e realizuar në Luginë të Preshevës si dhe diskuton lidhur me tekstet e reja shkollore e riorganizimin e shkollave. (Ndërtesa e Kuvendit, salla N 302, ora 13:00)

- Lëvizja FOL organizon Forumin e FOL Hapur me shefen e Zyrës së BE-së në Kosovë znj. Apostolova dhe ministrin e Administratës Publike Mahir Yagcilar ku temë diskutimi do të jetë ‘Etika në Administratën Publike”. (Zyrat e Lëvizjes FOL, ora 15:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Ajo" nga More Raça dhe "Martesa" nga Blerta Zeqiri. (Kino Armata, ora 20:00)