27 Shtator 2020

Prokurori Kelmendi prezantoi përmirësimin e cilësisë së hetimeve

Prishtinë, 17 janar - Në kuadër të “Konferencës Vjetore të Prokurorëve”, prokurori nga Zyra e Kryeprokurorit të Shtetit, Besim Kelmendi, prezantoi përmirësimin e cilësisë së hetimeve, hudhjen e kallëzimeve penale, si dhe pushimin e hetimeve.

Ky prezantim përmblodhi mënyrën e regjistrimit të kallëzimeve penale në regjistrat e prokurorive, risitë sipas projekt Kodit të Procedurës penale, afatet për të paraqitur kallëzim penal nga policia dhe afatet për të vendosur sipas kallëzimeve penale nga prokuroria, si dhe mënyrat e trajtimit dhe vendosjes së kallëzimeve penale.

Prokurori Besim Kelmendi, shpalosi risitë sipas projekt Kodit të Procedurës penale, me theks të veçantë, diskutoi lidhur me kallëzimet penale të paraqitura nga policia, konkretisht paragrafi 4 dhe 5 të nenit 82 nga ky Kod.

Derisa, pjesë e këtij prezantimi ishin edhe mënyra, kushtet dhe afati brenda tridhjetë (30) ditësh të hudhjes së kallëzimit penal nga prokurori i shtetit, si dhe paraqitja e ankesës kundër aktvendimit për hudhjen e kallëzimit penal, nga pala e dëmtuar apo parashtruesi i këtij kallëzimi, brenda tetë (8) ditësh në Prokurorinë e Apelit përmes Prokurorisë Themelore.

Po ashtu, Kelmendi ka përmendur arsyet e pushimit të hetimit, si dhe mundësinë e prokurorit të shtetit për të rihapur hetimin për gjashtë (6) muaj, e nëse skadon afati i kësaj periudhe, ai mund të kërkoj zgjatjen e periudhës së hetimit edhe për gjashtë (6) muaj të tjerë.

 

 
 

Kalendari

Ngjarjet e datës 27 Shtator 2020

- Kryetari i Komunës së Prizrenit, Mytaher Haskuka do të merr pjesë në aktivitetin “Race for the Cure” të organizuar nga OJQ “Renesansa”, në mbështetje të të mbijetuarve nga kanceri i gjirit, ku të pranishëm do të jenë edhe kryetarja e Kuvendit të Kosovës, Vjosa Osmani dhe përfaqësuesit nga misione të huaja në Kosovë. (Sheshin e Dëshmorëve në Prizren, ora 10:00)

- Organizata X40 dhe Fondacioni Kosovar për Shoqëri Civile organizojnë tryezën e diskutimit “Lum Lumi” në të cilën do të diskutohet për dëmtimin e lumenjëve nga hidrocentralet në Kosovë. (Kino Lumbardhi Prizren, ora 11:00)
 
- Për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik të Komunës së Prizrenit do të bëhet përurimi i projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian. (Në afërsi të fshatit Mushnikovë, afër Hotel Gold në Prizren, ora 13:00)

- Në ditën e tretë të edicionit të festivalit Lahuta, Okarina Polifionia mbahet kongresi i Lahutareve te trojeve shqiptare. (Ambientet e Qendrës për zhvillimin e kultures tradicionale në Prishtinë, ora 15:00)

- Platformës Bashkë-krijuese organizon ekspediten e gastronimise shqiptare. (Kino Bahçe, te Lumbardhi në Prizren, ora 18:00)