20 Tetor 2020

Presidenti dhe Qeveria bllokojnë funksionalizimin e Ushtrisë së Kosovës

Prishtinë, 3 korrik - Sot, bazuar në shqetësimet legjitime të pjesës më të madhe të ushtarakëve dhe stafit civil të Ministrisë së Mbrojtjes dhe FSK-së, Lëvizja Vetëvendosje! adresoi një problem tepër të madh që e ka burimin në papërgjegjësinë e Presidentit, Kryeministrit dhe Ministrit të Mbrojtjes.

Deputeti i Vetëvendosjes Rexhpe Selimi ka thënë së aktualisht një pjesë e madhe e personelit ushtarak dhe civil të Ministrisë së Mbrojtjes, si dhe personeli i Forcës së Sigurisë së Kosovës gjendet në një situatë konfuziteti si pasojë e mosfunksionalizimit të strukturave të reja të planifikuara sipas ligjeve në fuqi.

E gjithë kjo situatë sipas tij derivon nga mosdekretimi i gjeneralëve të rinj nga ana e Presidentit të Kosovës që ka sjellë bllokimin edhe të emërimeve të tjera në pozitat e reja konform strukturës së re të Ministrisë së Mbrojtjes dhe Forcës së Sigurisë së Kosovës, duke krijuar një efekt zinxhir pothuajse në të gjitha nivelet.

Ndërsa tek pozicionimi i shërbyesve civil sipas Selimit është duke ndodhur një luftë mes partive të koalicionit qeverisës se cila do të punësojë më shumë si dhe të sistemojnë militantët e tyre në pozita drejtuese.

"Një pjesë e personelit civil në Ministrinë e Mbrojtjes vazhdon të kryejë detyrat ditore bazuar në kompetencat e pozitës konform strukturës së vjetër, ndërkohë që zyrtarisht janë të sistemuar në pozita konform strukturës së re të Ministrisë së Mbrojtjes (strukturë e cila nuk është funksionale), ndërsa sistemimi i pjesës së udhëheqësve (liderët kyç: drejtorët e drejtorive, drejtorët e departamenteve dhe shefat e sektorëve) nuk është bërë ende."

"Si rrjedhojë e kësaj, në Forcën e Sigurisë së Kosovës nuk janë ndërmarrë veprimet e nevojshme për formimin Shtabit të Forcës së Sigurisë së Kosovës dhe strukturave në varësi", ka thënë Selimi.

Ai ka shtuar se procesi i transformimit të Forcës së Sigurisë së Kosovës përmes miratimit të pakos ligjore me datë 14 Dhjetor 2018 nuk ka filluar ende së realizuari falë bllokadës absurde dhe të dëmshme të Presidentit, Kryeministrit dhe Ministrit të Mbrojtjes.

Ku ka ngecur funksionalizimi i Ushtrisë dhe Ministrisë së Mbrojtjes?

Parlamenti i Republikës së Kosovës më 14 Dhjetor 2018 me përkrahje të të gjitha grupeve të partive politike parlamentare miratoi tri ligjet, Ligji për Ministrinë e Mbrojtjes, për Forcën e Sigurisë së Kosovës, për Shërbim në Forcën e Sigurisë së Kosovës.

Sipas afateve kohore të paraqitur në Planin Gjithëpërfshirës të Tranzicionit, më 21 Maj 2019 ka qenë dashur të përfundojë pjesa e parë e fazës së parë “A+120 ditë”. Bazuar në këtë plan “Dita A” është Dita e hyrjes në fuqi të pakos ligjore pra 21 Janar 2019.

Sot jemi me 3 Korrik, 6 muaj e gjysmë nga dita e votimit në Kuvend të ligjeve për ushtrinë e Kosovës, afër 5 muaj e gjysmë nga hyrja në fuqi e ligjeve, dhe rreth 1 muaj e gjysmë pas kalimit të afatit të përcaktuar nga plani gjithëpërfshirës.

Gjatë periudhës kësaj periudhe duhet të mbërrihej tek këto objektiva:

Riorganizimi i Ministrisë së FSK-së në Ministri të Mbrojtjes dhe Komandës së Forcave Tokësore në Shtabin e Forcës së Sigurisë së Kosovës. Gjatë kësaj periudhe Ministria dhe Komanda është dashur të kalojnë në tabelën organizative të re dhe personeli të jetë vendosur në pozitat e reja. Ky objektiv nuk është realizuar.

Vendosja e elementit drejtues (udhëheqës) si, Shefi i Stafit të Shtabit të FSK, Sekretari i Përgjithshëm dhe Liderët Kyç, gjeneralët dhe Drejtorët e Drejtorive në Ministrinë e Mbrojtjes dhe FSK. As ky objektiv nuk është realizuar.

Projektet kryesore gjatë kësaj faze të cilat tashmë është dashur të jenë të përfunduara (fatkeqësisht asnjë nuk është e gatshme apo i miratuar nga autoritetet e Ministrisë dhe FSK) janë: krijimi i dokumenteve strategjike si strategjia e mbrojtjes ajo për anëtarësim dhe integrim në strukturat rajonale si dhe vendosja e bazës doktrinore për riorganizimin e komandave, pra tabelat organizative e Personelit dhe Pajisjeve si dhe Misionet, konceptet operacionale, Procedurat Taktikat dhe Teknikat, manualet. As ky objektiv nuk është arritur.

Deputeti Rexhep Selimi, nënkryetar i komisionit parlamentar për Sigurinë dhe FSK-në paraqiti dëmet që po ia bëjnë me vetëdije qoftë Presidenti, qoftë Kryeministri e Qeveria.

Deputeti Selimi tha po ashtu se Qytetarët e Kosovës e pritën me entuziazëm miratimin e ligjeve për ushtrinë.

Deputetët u angazhuam maksimalisht në amendamentim, procedimin dhe e votuam pa asnjë votë kundër. Qeverisë i dhamë përkrahje në emër të unitetit dhe vullnetit për të pasur një ushtri për shtetin e Kosovës. Pushtetarë u lavdëruan të gjithë me radhe duke tentuar të marrin merita kush më shume se sa tjetri. 11 vjetori i pavarësisë u shënua nën logon e ushtarit të Kosovës, kurse veprimet për t’i implementuar ligjet mbesin ne vend.

Presidenti nuk po do t’i dekretoje liderët kyç, dhe motivet janë thjesht dhe vetëm personale, pra të ndikimit të tij të drejtpërdrejtë.

Kryeministri është vetëmjaftuar me mburrje se në mandatin e tij janë votuar ligjet për FSK-në kurse Ministri dhe Ministria e Mbrojtjes gjenden ne një kaos dhe aktiviteti i tyre kryesor është mbushja e Ministrisë me militante partiake të partive në pushtet.

Vijojnë vendimet sa të paligjshme aq dhe kontroverse prej shkarkimeve dhe emërimeve të Sekretarit të përgjithshëm tek mungesa e kontratës për pajisje me uniforma dhe veshmbathje për rekrutët e rinj dhe te mungesa e rregullores së pagave.

Kalendari

Ngjarjet e datës 20 Tetor 2020 - Kryetari i Komunës së Prizrenit, Mytaher Haskuka do të pret në takim shefin e Zyres së Bashkimit Evropian në Kosovë, ambasadorin Tomas Szunyog. (Hapësirat e Shtëpisë së Bardhë, ora 8:20 - vetëm pamje)

- Kryeministri Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në Inaugurimin e Palestrës Sportive në Deçan. (Objekti i Palestrës Sportive në Deçan, ora 10:00)

- Ministri i Bujqësisë Besian Mustafa viziton Gjilanin ku do te takohet me kryetarin Lutfi Haziri. (Zyra e krytarit Haziri, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Abuzimi i fëmijëve dhe sulmet seksuale- Nevoja për trajtimin me prioritet të rasteve të abuzimeve seksuale”. (Platforma zoom, ora 10:00)

- Ministri i Ekonomisë dhe Ambientit, Blerim Kuçi pritet nga kryetari i Komunës se Suharekës. (Komuna e Suharekës, ora 10:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për të Drejtat Pronësore të shtetasve të huaj në Republikën e Kosovës, projektligjin për të drejtën ndërkombëtare Private, etj. (Ndërtesa e Kuvendit, salla N303, ora 11:00)  

- Ministrja e Kulturës, Rinisë dhe Sportit Vlora Dumoshi viziton Komunën e Klinës. (Komuna e Klinës, ora 11:00)

- Kryeministri Avdullah Hoti viziton Komunën e Klinës. (Komuna e Klinës, ora 11:00)

-  Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisioni për Mbikëqyrjen e Financave Publike Raportin lidhur me raportin Vjetor te Auditimit. (Ndërtesa e Kuvendit, salla C203, ora 11:00)

- Bëhet përurimi i ujësjellësit, investim nga CDI-Zvicerrane, Hidroregjioni Jugor dhe Komuna e Suharekës. (Fshati Nëpërbisht të Suharekës, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton projektligjin për identifikimin elektronik dhe shërbimet e besuara në transaksionet elektronike, Projektligjin për Inspektoratin e punës, etj. (Ndërtesa e Kuvendit, salla N225, ora 11:00)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë Industrin e Mishit “Malësia” në Gjilan. (Gjilan, ora 11:10)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë feremrët e fshatrave të Karadakut. (Fshatrat e Karadakut, ora 11:30)

- Komisioni Hetimor Parlamentar lidhur me procesin e privatizimit në Kosovë interviston ish-Ministrin e Zhvillimit Ekonomik, Besim Beqaj. (Ndërtesa e Kuvendit, salla N225, ora 13:00

- Asociacioni i Gazetarëve të Kosovës në bashkëpunim me agjencitë, fondet, programet dhe entitetet e OKB-së në Kosovë - Ekipin e OKB-së së Kosovës nën koordinimin e Zyrës e Koordinatores për Zhvillim, do të shënojë Ditën Ndërkombëtare për Zhdukjen e Varfërisë ku do të do të ndahet edhe Çmimi i Gazetarëve për Çrrënjosjen e Varfërisë. (Amfiteatri i Muzeut Kombëtar, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis njoftohet për problemet me grumbullimin e qumeshtit nga ana e fermereve të Kosovës, i  ftuar Kryetari i Këshillit koordinues të fermerëve të qumështit. (Ndërtesa e Kuvendit, salla N204, ora 13:00)

- Punëtorët teknik që operojnë në Ministrinë e Mjedisit, Ministrinë e Administratës se Pushtetit Lokal, Ministrinë e Zhvillimit Rajonal, Ministrinë e Drejtësisë dhe Administratës Publike do të protestojnë për ngritjen e pagave te tyre. (Objekti ish Rilindjes, ora 13:00)

- Komisioni për të Drejtat dhe Interesat e Komuniteteve dhe Kthim shqyrton nismen legjislative e Komisionit për plotësimin dhe ndryshimin e Ligjit për Festat Zyrtare në Republikën e Kosovës. (Ndërtesa e Kuvendit, salla N10, ora 13:00)

- Komisioni Qendror i Zgjedhjeve mban mbledhjen e radhës në të cilën do të diskutohet për  lidhur me raportin e vlerësimit të materialeve zgjedhore dhe implikimet buxhetore pas shtyrjes së zgjedhjeve për kryetar të komunës së Podujevës, etj. (Ndërtesa e KQZ-së, në sallën që gjendet në katin 4, ora 13:30)  

- Forumi për Lidership dhe Diplomaci lanson Projektin “Akademia-Ngritja e pjesëmarrjes së Grave Rome, Ashkali dhe Egjiptiane në qeverisje dhe ekonomi në Kosovë”, i mbështetur financiarisht nga Zyra e Këshillit të Evropës në Prishtinë, si dhe realizohet nga Forumi për Lidership dhe Diplomaci. (Hotel Sirius, ora 13:30)