17 Korrik 2019

Policia e Kosovës dhe e Hungarisë bashkëpunojnë për luftimin e krimit transkufitar

Budapest, 26 qershor - Drejtori i Përgjithshëm, Rashit Qalaj i shoqëruar nga drejtori i Hetimeve Riza Shillova, drejtori i Divizionit për Personel dhe Administratë Hilmi Pacolli dhe drejtori i Drejtorisë për Bashkëpunim Ndërkombëtar i PK-së Besnik Sallahu, me ftesë të Drejtorit të Policisë së Hungarisë kanë qëndruar në vizitë një ditore.

Gjatë kësaj vizite u diskutuan çështje të interesit të përbashkët në mes të Policisë së Kosovës dhe Policisë së Hungareze.

Nga dy drejtorët u vu në pah bashkëpunimi i mirë mes dy policive dhe u diskutuan objektivat e bashkëpunimit dhe bashkëveprimit për të ardhmen.

Në veçanti temë diskutimi ishte bashkërendimi i aktiviteteve për parandalim dhe luftim të krimit transkufitar, me theks të veçantë kontrabandimin me migrantë, trafikimin me narkotikë, krimin kibernetik, pastaj për hetime financiare, shpëlarje të parave, konfiskim dhe kthim të aseteve, si dhe bashkëpunimi në të ardhmen në projekte bilaterale dhe multilaterale.

Është dakorduar se programi për shkëmbim të zyrtarëve në këto fusha si pjesë e trajnimeve praktike është hap i rëndësishëm për të ardhmen.

Gjatë takimit u diskutua për metodat dhe mjetet për menaxhim më efikas të trafikut rrugor si dhe mundësia e shkëmbimit të përvojave në këtë fushë, shkëmbimi i informacioneve dhe mundësitë në të ardhmen për hapa më praktikë në aspekt të forcimit të kanaleve të komunikimit të drejtpërdrejtë përmes ndërlidhësve policorë dhe komunikimit elektronik.

Delegacioni i PK-së vizitoi edhe në qendrën operative dhe komanduese të Policisë hungareze si dhe në Agjencinë për Mbrojtje të Institucioneve Publike. Në këtë rast u diskutua shkëmbimi i përvojave në këto fusha.
Me respekt ZIMP
 

Kalendari

Ngjarjet e datës 17 korrik 2019 - Koalicioni i OJQ–ve për Mbrojtjen e Fëmijëve në Kosovë organizon konferencë të jashtëzakonshme për media lidhur me rastin e fundit i vdekjes së fëmijës në rrethana të dyshimta në Fushë Kosovë. (Hotel Sirius, ora 10:00)

- Lansohet Plani i Integritetit të Ministrisë së Mbrojtjes të Republikës së Kosovës. (Ndërtesa e Ministrisë se Mbrojtjes, ora 10:00)

- Me rastin e shënimit të “Epopesë së Korrikut 1998’’ në Rahovec, Komuna e Rahovecit do të bëj homazhe dhe ndërim për të rënet. (Rahovec, ora 10:00)

- Kryetari i Gjykatës Themelore të Gjilanit, Ramiz Azizi do të mbajë konferencë për media. (Objekti i Gjykatës Themelore në Gjilan, Kati i III, Salla 306, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me mbikëqyrjen e zbatimit të Ligjit për Trashëgiminë Kulturore. (Ndërtesa e Kuvendit, salla C 203, ora 11:00)

- Policia e Kosovës do të mbajë një konferencë për media, ku do prezantohet raporti gjashtëmujor  janar-qershor 2019 duke u fokusuar edhe në aktivitetet më të rëndësishme të policisë gjatë kësaj periudhe. (Stacioni policor Qendra në Prishtinë, ora 11:00)

- Kryeministri Ramush Haradinaj pret në takim Azgan Haklaj, president i Unionit Artistik të Kombit Shqiptar. (Ndërtesa e Qeverisë, ora 11:00)

- Ministria e Tregtisë dhe Industrisë organizon panairin “Gratë në Biznes dhe artizanate tradicionale” në të cilin do të marrin pjesë rreth 32 biznese dhe shoqata të grave ndërmarrëse nga komunitete të ndryshme të Kosovës. (Sheshi “Para Teatrit” në Gjilan, ora 11:00)      
 
- Ministria e Infrastrukturës dhe Transportit në bashkëpunim me Policinë e Kosovës lanson fushatën vetëdijësuese “10 Rregullat e Arta të Sigurisë Rrugore. (Pika kufitare e Merdares, ora 11:00)

- Partia Socialdemokrate mban konferencë për media. (Zyrët qendrore të PSD-së në lagjen Arbëria, ora 11:30)

- Komuna e Rahovecit organizon akadmi përkujtimore me rastin e 21 vjetorit shënimit të “17 korrikut - Epopesë së Rahovec’’. (Shtëpia e Kulturës 'Mentor Zyberaj" në Rahovec, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.48. (Hoteli Grand, ora 12:30)

- Mbledhja e komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për Inspektoratin e Punës. (Ndërtesa e Kuvendit, salla N 303, ora 13:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e fshatit Hoçë e Madhe. (Shtëpia e Kulturës në fshatin Hoçë e Madhe, ora 14:00)

- Kryeministri Ramush Haradinaj zhvillonë një vizitë pune në Komunën e Malishevës. (Malishevë, ora 15:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e lagjeve III- dhe IV të qytetit të Rahovecit. (Shkolla fillore “Isa Boletini” në Rahovec, ora 19:00)