29 Mars 2024

Përfundoi konferenca rajonale me drejtuesit e policive të shteteve rajonale

Prishtinë, 18 maj - Konferenca rajonale dy ditore e cila ishte organizuar nga Policia e Kosovës, e ndihmuar nga Misioni i EULEX-it, në të cilën morën pjesë drejtorët e policive të shteteve rajonale, të Shqipërisë, Kroacisë, Maqedonisë dhe Sllovenisë, përfundoi sot në orët e pasdites.

Gjatë kësaj konference e cila u vlerësua mjaft e suksesshme, krerët e policive të shteteve pjesëmarrëse kanë paraqitur diskutime dhe prezantime të ndryshme, të cilat janë cilësuar si mjaft të dobishme dhe të rëndësishme për pjesëmarrësit.

Vlen të potencohet se të pranishmit u dakorduan për nevojën e intensifikimit të komunikimit dhe bashkëpunimit të ndërsjellët në fusha të ndryshme policore, që kanë për qëllim luftën ndaj krimit të organizuar dhe terrorizmit.

Mbylljes së kësaj konference i parapriu një konferencë e përbashkët për media, ku në vijim keni deklaratën zyrtare të ushtruesit të detyrës së Drejtorit të Përgjithshëm të Policisë së Kosovës z. Naim Rexha të dhënë në konferencë.


U.d. Drejtorit të Përgjithshëm të Policisë së Kosovës, Naim Rexha ka thënë se gjatë dy ditëve që shkuan, përfaqësuesit e lartë të policisë nga: Kosova, Shqipëria, Kroacia, Maqedonia dhe Sllovenia kanë diskutuar për çështje që kanë të bëjnë me kërcënimet  trans-nacionale dhe si mund kjo të ndikojë në stabilitetin rajonal.

"Kemi dëgjuar katër folës të ftuar, të cilët kanë ofruar perspektiva të ndryshme për fenomenin e kërcënimeve trans-nacionale, të cilat kanë përfshirë fusha tematike të ekstremizmit të dhunshëm që shpie në terrorizëm dhe ndikimi i rrjeteve të krimit të organizuar trans-nacional."

"Të gjitha delegacionet e konferencës, kanë arritur në përfundim që: ne duhet të përpiqemi  të rrisim bashkëpunimet ekzistuese brenda rajonit;  vetëm duke miratuar një qasje të partneritetit rajonal  mund të trajtojmë sfidat me të cilat përballemi si rajon."

"Jemi përqendruar në rëndësinë e bashkëpunimit strategjik, që në fund të fundit do të çojë në një punë efektive operative për të mirën  dhe mbrojtjen  e të gjithë qytetarëve tanë", ka theksuar Rexha.

Konferenca sipas tij u ka ofruar një mundësi  përfaqësuesve të lartë të agjencive policore të rajonit që të takohen dhe të diskutojnë këtë fushë shumë të rëndësishme të punës.

Rexha ka pohuar se Policia e Kosovës është shumë e kënaqur  që ka qenë nikoqire  e Konferencës së Dytë Rajonale të Shefave të Policisë dhe falënderon kolegët tanë që na janë bashkangjitur në konferencë e cila ka qenë jashtëzakonisht e dobishme.

Të gjitha delegacionet e pranishme shpresojnë  që ky forum të vazhdojë dhe që partnerët e tjerë rajonal të cilët nuk ishin të pranishëm në këtë rast të jenë të pranishëm në ndonjë konferencë të ardhshme.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)