15 Dhjetor 2019

Parku Invativ në Prizren sistemon mbi 500 persona të ardhur nga Shqipëria

Prishtinë, 29 nëntor - Kryetari i Komunës së Prizrenit, Mytaher Haskuka ka njoftuar se janë mbledhur sot bashkë i gjithë ekipi emergjent që po angazhohet për strehimin dhe kujdesin e personave të prekur nga tërmeti në Parkun e Inovacionit dhe Trajnimeve, për të analizuar gjendjen dhe shikuar hapat e mëtutjeshme që duhet t'i bëjnë për të menaxhuar këtë gjendje të jashtëzakonshme.

Haskuka ka deklaruar se fluksi i të ardhurve nga Shqipëria mbrëmë ka qenë shumë i madh, me ç'rast Parku i ka përmbushur të gjitha kapacitetet që ka në dispozicion, duke i sistemuar mbi 500 persona.

Me këtë rast ai ka kërkuar nga të gjithë të kenë parasysh këtë dhe mos të drejtohen tek Parku pa paralajmërim, pasi që nuk ka më kapacitet të pranohen më shumë persona.

"Të gjithë të ardhurit në Park janë regjistruar, ndërsa tani e tutje do të bëjmë edhe një regjistër më të detajuar për të mësuar nevojat e tyre në aspekt shëndetësor, social dhe arsimor", thekson Haskuka.

Nga Shërbimi Pedagogjik-Psikologjik që është në kuadër të Komunës së Prizrenit, nga sot do të angazhohet një ekip i specializuar për t'u kujdesur edhe për gjendjen psikologjike të tyre, derisa ekipet e kujdesit shëndetësor primar kanë qenë të angazhuar që nga fillimi dhe kanë kryer një punë të shkëlqyer deri më tani.

Dje dhe sot ushqimi është siguruar nëpërmjet donacioneve që kanë ardhur nga bizneset lokale, mirëpo kjo nuk mund të vazhdojë kështu edhe më tej dhe për këtë arsye po Komuna po shikon mundësinë që urgjentisht të krijojmë një kuzhinë mobile dhe të sigurojnë ushqimin në bashkëpunim me shoqatat bamirëse.

"Përveç sistemimit të personave në Parkun e Inovacionit dhe Trajnimeve, jemi të vetëdijshëm që edhe shumë familje i kanë hapur shtëpitë e tyre vullnetarisht për t'i pranuar personat e prekur nga tërmeti."

"Për këtë, lus të gjithë ata që i kanë pranuar miqtë tanë nga Shqipëria apo kanë vende të lira dhe mund të pranojnë persona të tjerë, le të lajmërohen në Qendrën e Thirrjeve "Alo Komuna" tek numrat 0800 19 200 dhe në Viber +383 45 119 200, në mënyrë që të bëjmë identifikimin e tyre dhe të kemi një databazë për të pasur më lehtë menaxhimin e kësaj situate."

"Kjo do të na mundësonte që të gjejmë zgjidhje më lehtë ndaj atyre personave që vijnë e nuk kanë ku të strehohen dhe njëkohësisht të ofrojmë shërbime shëndetësore dhe arsimore ndaj tyre", ka thënë me tujt Haskuka

Deri më tani i gjithë menaxhimi i kësaj situate sipas tij është kryer me anë të vullnetarëve dhe forcave tona që i ka Komua e Prizrenit, ndërkaq për ta përballuar këtë situatë edhe në ditët në vijim, kryetari Haskuka pret që të kënë mbështetje nga institucionet e nivelit qendror.

"Falenderoj pa masë të gjithë ata që po angazhohen dhe po kontribuojnë në çfarëdo mënyre për t'i ndihmuar vëllezërit e motrat tona nga Shqipëria", ka pohuar në fund Haskuka. 

 

Kalendari

Ngjarjet e datës 14 dhjetor 2019 - Aleanca Franceze e Prishtinës me mbështetjen e Ambasadës Franceze organizon një punëtori gatimi për fëmijë me kuzhinierin francez Christophe Dovergne. (Aleanca Franceze, ora 10:30)

- Projekti i Tech Heroes organizon takimin e të rinjëve për të punuar në idetë e tyre me mbështetjen e ekipës së Akademisë jCoders dhe ekspertëve tjerë në fushën e IT. (Pylli i Arinjëve në Prishtinë, ora 10:30 - kontaktoni Fiona Shehu në 049 589 685 ose Besarta Muhaxheri 049 600 962)

- Mbahet mbledhja e Kryesisë së Lidhjes Demokratike te Kosovës. (Selia e LDK-së, ora 11:00 - mediat mund të marrin pamje në fillim të takimit)

- Qendra Kosovare për Studime të Sigurisë organizon konferencën për media ku do të bëhet publikimi i gjetjeve të Edicionit të nënte vjetor - Barometrit Kosovar të Sigurisë 2019. (Hotel Sirius, ora 11:00)

- Mbahet Akademi Përkujtimore  për Dëshmorët e Kombit Mujë Krasniqin dhe 40 Dëshmorët e tjerë të rënë ne kufirin Shqiptaro - Shqipëtar. (Pallati i rinisë Prishtinë, ora 16:00)

- Kryeministri në detyrë, Ramush Haradinaj, merr pjesë në Akademinë Përkujtimore për heroin Mujë Krasniqi - Kapuqi dhe 40 bashkëluftëtarët e tij. (Pallati i Rinisë, ora 16:00)