03 Tetor 2022

MPB publikoi standardet e kujdesit për viktimat e trafikimit

Prishtinë, 19 shkurt - Ministria e Punëve të Brendshme publikoi sot standardet minimale të kujdesit për viktimat e trafikimit, duke u bazuar në Strategjinë Nacionale dhe Planin e Veprimit Kundër Trafikimit të Qenieve Njerëzore të Qeverisë së Kosovës.

Në prezantimin e sotëm morën pjesë edhe Jose Garzon, drejtor i Zyrës për Demokraci dhe Qeverisje në USAID, Jorge B. Vaughan, shef i IOM-it në Kosovë, Laura Van Vorhees, përfaqësuese e AED nga zyra në Washington, Valbona Çitaku, përfaqësuese e Shoqërisë Civile dhe përfaqësues të tjerë.

Ministria e Punëve të Brendshme e ka përgjegjësinë dhe koordinimin e zbatimit të Strategjisë Nacionale në bashkëpunim me institucionet e Kosovës dhe me  USAID-in, Programi Antitrafikim i Kosovës (KAP), që implementohet nga Organizata Ndërkombëtare për Migrim (IOM) dhe Akademia për Zhvillim të Edukimit (AED).

Zëvendësministri i Punëve të Brendshme dhe Koordinatori Nacional Kundër Trafikimit, Fatmir Xhelili në fjalën e tij tha se ”sundimi i ligjit është themeli i prioriteteve dhe aktiviteteve tona në kuadër të të cilave përfshihen një varg aktivitetesh që kanë të bëjnë me luftimin e krimit të organizuar, krimin ordiner, korrupsionin dhe një varg aktivitetesh të tjera negative. Jemi të vetëdijshëm për të arriturat e deritashme dhe me sfidat me të cilat po përballemi, por do të shfrytëzojmë hapësirën e krijuar për adresimin e të gjitha çështjeve në interes të sigurisë dhe sundimit të ligjit në gjithë territorin e Kosovës. Jemi të përkushtuar që me të gjitha kapacitetet që i kemi në dispozicion, gjegjësisht mekanizmat e policisë dhe segmentet tjera, të jemi në nivel të lartë të detyrës që të mbrojmë sundimin e ligjit”.

Duke folur për Raportin e Progresit, Xhelili tha se “Raporti i Progresit i Komisionit Evropian i ka kritikuar të gjitha vendet e Ballkanit Perëndimor rreth sundimit të ligjit, me theks të veçantë shkallës së lartë të trafikimit me qenie njerëzore. Kosova, por edhe vendet tjera të Ballkanit Perëndimor përdoren si vende tranziti për trafikim me qenie njerëzore në drejtim të Bashkimit Evropian. Jemi të vetëdijshëm me gjendjen aktuale në këtë segment, mirëpo Qeveria e Republikës së Kosovës, nuk e pranon këtë trend, prandaj angazhohet me tërë potencialin e vet që të punoj në drejtim të përmirësimit të kësaj situate”, tha zëvendësministri Xhelili.

Duke folur për luftimin e këtyre fenomeneve negative, Xhelili tha se “do të ndjekim fuqishëm politikën e zero tolerancës ndaj të gjitha atyre krimeve dhe veprave që kryhen në trafikim me qenie njerëzore. Ministria e Punëve të Brendshme e ka marrë përgjegjësinë për t’i koordinuar aktivitetet në luftimin dhe parandalimin e të gjitha llojeve të krimit, posaçërisht trafikimit me qenie njerëzore. Në këtë kontekst MPB ka hartuar një varg dokumentesh në të cilat i zhvillon aktivitetet e veta, të cilat i planifikon nga Strategjia Nacionale kundër Trafikimit të Qenieve Njerëzore”.

Duke folur për rezultatet në fushën e trafikimit me qenie njerëzore, zëvendësministri i Punëve të Brendshme dhe koordinatori nacional, Fatmir Xhelili tha se “vlerësojmë se i kemi disa rezultate pozitive të konsiderueshme në zbatimin e planit të veprimit dhe aktiviteteve të parapara në këtë plan të veprimit dhe besoj qëe jemi në rrugë të mbarë për t’i evituar të gjitha ngecjet dhe lëshimet në këtë drejtim”.

Në fund të fjalës së tij, zëvendësministri Xhelili theksoi se “përveç procedurave standarde të veprimit, Grupi Punës ka hartuar edhe dokumentin e rëndësishëm, standardet minimale për kujdesin ndaj viktimave, dokument ky që është i rëndësishëm për të lehtësuar punën në ofrimin e shërbimeve për viktimat e trafikimit. Dokumenti përcakton standardeve minimale të kujdesit për viktimat e trafikimit, që nga faza e identifikimit dhe bazohet duke i respektuar parimet themelore, si respektimi i të drejtave të njeriut, besueshmëria e krijuar në mes të viktimës dhe ofruesit të shërbimeve, respekti i plotë i vullnetit të viktimave të trafikimit nga ana e ofruesve të shërbimeve, mosdiskriminimi nga ofruesi i shërbimeve në baza gjinore, racore, fetare, të moshës, religjionit dhe gjendjes psikofizike. Ministria e Punëve të Brendshme synon që si pjesë përbërëse e  Strategjisë Nacionale dhe Planin e Veprimit Kundër Trafikimit të Qenieve Njerëzore, të jetë jo vetëm parandalimi, por edhe mbrojtja e tyre”.

Fjalën e morën edhe Jose Garzon, drejtor i Zyrës për Demokraci dhe Qeverisje në USAID, Jorge B. Vaughan, shef i IOM-it në Kosovë, znj. Laura Van Vorhees, përfaqësuese e AED nga zyra në Washington dhe Valbona Çitaku, përfaqësuese e Shoqërisë Civile.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)