Prishtinë, 12 nëntor - Ministri i Punëve të Brendshme, z. Ekrem Mustafa ka pritur në takim nënkryetarin e Kuvendit të Republikës së Kosovës nga komuniteti turk, z. Fikrim Damka, me të cilin diskutuan për bashkëpunimin mes MPB-së dhe Kuvendit të Kosovës.

Me theks të veçantë u diskutua sa i përket komunitetit turk në Kosovë, sidomos sa i përket përfshirjes së tyre në institucionet e sigurisë. Ministri Mustafa vuri në dukje se në të gjitha angazhimet komunitet janë në kushte të barabarta me të gjithë qytetarët e Republikës së Kosovës.

Të dy bashkëbiseduesit vlerësuan se në Kosovë ka një harmoni të bashkëjetesës të të gjithë komuniteteve dhe të gjithë kanë sigurinë e nevojshme për të jetuar dhe vepruar pa paragjykime të përkatësisë etnike fetare etj.