13 Dhjetor 2018

Miratohet propozimi për Marrëveshjen e Bashkëpunimit Ndërkufitar me Malin e Zi

Prishtinë, 9 tetor - Kjo marrëveshje pritet të hap rrugën për promovimin e zhvillimit ekonomik të zonave kufitare të Kosovës me Malit të Zi, theksoi Ministrja Hoxha.

Ministrja e Integrimit Evropian, Dhurata Hoxha, ka propozuar për miratim dhe është miratuar në Kabinetin qeveritar, Marrëveshja financiare trepalëshe mes Bashkimit Evropian, Kosovës dhe Malit të Zi për vitin 2017, për zbatimin e programit të bashkëpunimit ndërkufitar në kuadër të Instrumentit të Para-Anëtarësimit (IPA II) në mes të Kosovës dhe Malit të Zi

“Marrëveshja mundëson zbatimin e programit të bashkëpunimit ndërkufitar mes dy vendeve në kuadër të alokimit të fondit IPA për vitin 2017. Programi i bashkëpunimit ndërkufitar me fondet e BE-së synon të rrisë bashkëpunimin rajonal dhe të nxis zhvillimin e zonave kufitare ndërmjet Kosovës dhe Malit të Zi”, ka theksuar Ministrja Hoxha.

Tematikat e këtij programi, mes dy vendeve të përfshira janë: Promovimi i punësimit, mobilitetit të punës dhe përfshirjes sociale dhe kulturore përgjatë kufijve, Mbrojtja e mjedisit, adaptimet ndaj ndryshimeve klimatike, parandalimi dhe menaxhimi i rreziqeve si dhe Stimulimi i turizmit dhe trashëgimisë kulturore e natyrore.

“Kjo marrëveshje pritet të hap rrugën për promovimin e zhvillimit ekonomik të zonave kufitare të Kosovës me Malit të Zi”, theksoi Ministrja Hoxha duke shtuar se pas këtij miratimi, vazhdojnë hapat tjerë në drejtim të hapjes së mundësive që Kosova të përfitojë fonde të parapara në kuadër të fondeve IPA për bashkëpunim ndërkufitar që për këtë program mbërrijnë në 1.2 milionë euro për të dyja vendet.

 
 

Kalendari

Ngjarjet e datës 13 dhjetor 2018

- Mbahet mbledhja e Komisionit për Mbikëqyrjen e Financave Publike në të cilën do të behët shqyrtimi i raportit të Auditimit për pasqyrat financiare vjetore të Ministrisë së Tregtisë dhe Industrisë dhe shqyrtimi i raportit te auditimit për Pasqyrat Vjetore Financiare të Ndërmarrjes Publike Hekurudhat e Kosovës - Trainkos. (Ndërtesa e Kuvendit, salla N204, ora 10:00)

- Grupi Kombëtarë Monitorues i  Fëmijëve “Respect Our Right” mbeshtetur nga organizatat “Syri i Vizionit” në partneritet me “Save the Children”, organizojnë konferencën për  publikimin e raportit monitorues ‘’Hendeku, kurrikula dhe zbatueshmëria e saj’’. (Hotel International Prishtina, ora 10:00)

- Shërbimit Spitalor dhe Klinik Universitar të Kosovë prezanton rezultatet e punës dhe të arriturave për vitin 2018. (Hotel Emerald, ora 10:00)

- Koalicioni i OJQ-ve në kuader të Javës Anti-Korrupsion organizon tryezën lidhur me nevojen për procesin e vetingut në Kosovë dhe vullneti politik. (Hotel Sirius, ora 10:00)

- Kosova Youth Atlantic Treaty Asocation mban debatin “Transformimi i FSK-s, ndikimi në sigurinë kombëtare dhe rajonale”. (Kolegji Universum në lagjjen Ulpiana, ora 10:30)

- Ministri i inovacionit dhe ndërmarresisë, Besim Beqaj raporton para Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me punën e ministrisë për ketë vit, me theks të veçantë ndarja e fondeve dhe grandëve për start up-et dhe bizneset tjera, si dhe planifikimi i punëve për vitin e ardhshëm. (Ndërtesa e Kuvendit, salla N 303, ora 11:00)

- ADMOVERE organizon promovimin e raportit "Universiteti i Prishtinës - raportet e akreditimit, revistat dhe bibliotekat". (Hani i 2 Robertëve, ora 11:00)

- Let’s Do It do të organizojë aksion pastrimi në Ferizaj ku do të pastrohet një deponi ilegale në të cilën do të marrin pjesë edhe pjesëtarë të KFOR-it amerikan. (Magjistralja afër Mileniumit në Ferizaj, ora 11:00)

- Ministri i Ministrisë së Diasporës dhe Investimeve Strategjike, Dardan Gash raporton para Komisionit për Punë të Jashtme, Diasporë dhe Investime Strategjike. (Ndërtesa e Kuvendit, salla N 302, ora 11:00)

- Ministri i Drejtësisë, Abelard Tahiri merr pjesë në tryezë diskutimi me stafin akademik të Fakultetit Juridik për themelimin e një Gjykate Komerciale - Tregtare. (Salla e profesorëve në Fakultetin Juridik të Universitetit të Prishtinës “Hasan Prishtina”, ora 11:00)

- Nisin punimet për pastrimin e deponisë më të mëdha në Kosovë në Pasomë të komunës se Vushtrrisë. (Pasomë, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjilanit, Lutfi Haziri. (Objekti i Komunës së Gjilanit, ora 11:00)

- Nën organizimin e OVL UÇK-së, SHIL UÇK-së dhe SHFD UÇK-së do të bëhet përurimi i kompleksit dhe zbulimi i plakës përkujtimore për 41 dëshmorët e kombit, Mujë Krasniqi dhe 40 bashkëluftëtarët tjerë. (Fshati Gorozhub në Prizreni, ora 12:00)

- Aleanca Kosovare e Bizneseve mban konferencën për media lidhur me ndikimin e taksës 100% në ekonominë e Kosovës. (Selia qendrore e AKB-ës, ora 13:00)

- Mbahet takimi me studentët e Fakultetit Ekonomik - Prishtinë dhe prezentimin e temës ‘’Kosova ofron perspektivë’’ , e organizuar nga kompania Al Trade Center. (Objekti i Fakultetit Ekonomik, ora 14:00)

- Swisscontact në Kosovë, organizon një takim miqesor të fundvitit me media. (Restaurant "Remember Me", ora 14:00)

- Presidenti i Republikës së Kosovës, Hashim Thaçi, inspekton trupat e Forcës së Sigurisë së Kosovës. (kazerma “Adem Jashari” në Prishtinë, ora 15:00)

- Nxënësit Kosovarë marrin pjesë në Garën Nacionale të Recitimit të Poezisë në Gjuhën Angleze. (Amfiteatri i Bibliotekës Kombëtare, ora 15:00)

- Galeria e Ministrisë së Kulturës hap ekspozitën “Një perspektivë ndryshe!” te autorit Agon Nimani. (Galeria e Ministrisë së Kulturës në kompleksin “Qafa”, ora 19:00)