21 Janar 2020

Mhahet konferenca e parë e bashkëpunimit civil dhe ushtarak te KFOR-it

Prishtinë, 14 janar - Ekspertët e bashkëpunimit civil dhe ushtarak (CIMIC) u takuan në shtabin qendror të KFOR-it, Forcën Ndërkombëtare të udhëhequr nga NATO.

Qëllimi i konferencës, i organizuar dhe i drejtuar nga KFOR-i, ishte të lehtësojë dhe koordinojë marrëdhëniet midis Organizatave Ndërkombëtare, Organizatave Joqeveritare dhe KFOR-it, për të përmirësuar zhvillimin social dhe ekonomik të Kosovës.

Në fjalën e tij hyrëse Komandanti i KFOR-it, Gjeneral Major Michele RISI nënvizoi sesi “zhvillimi dhe siguria janë dy fytyrat e të njëjtës medalje.”

Përmes implementimit të projekteve të bashkëpunimit civilo-ushtarak, ndihmës dhe donacioneve, KFOR-i kontribuon në përpjekjen e përgjithshme ndërkombëtare që synon mbështetjen e institucioneve dhe komuniteteve të Kosovës, me fokus të veçantë në arsim dhe shëndetësi.

Në vitin 2019 KFOR-i dhe kombet që kontribuojnë me trupa ndanë një buxhet prej 370000 € në 140 nisma ndihmëse.

KFOR-i vazhdon të mbështesë zhvillimin e një Kosove të qëndrueshme dhe paqësore, duke kryer misionin e saj për të siguruar një të ardhme më të mirë.

Për këtë arsye, përmes projekteve të CIMIC-ut dhe donacioneve, KFOR-i do të vazhdojë t’i dedikojë përpjekjet e tij në mbështetje të çdo iniciative që mund të përmirësojë të ardhmen e popullatës, në veçanti për brezin e ri.
 


 

Kalendari

Ngjarjet e datës 21 janar 2020 - Agjencia për Mbrojtjen e Mjedisit të Kosovës organizon takimin rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Komuna e Rahovecit mban mbledhjen e parë të rregullt të Komiteti për Politik dhe Financ. (Salla e mbledhjeve të Kuvendit Komunal të Rahovecit, ora 10:00)

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30)

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Komuna e Prishtinës shënon Ditën e Arkivit me promovimin e katallogut të dokumenteve Osmane në Arkivin Komunal të Prishtinës. (Salla e Kuvendit Komunal, ndërtesa e vjeter e Komunës, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)

- Me rastin e vdekjes së ish Kryetarit të Kuvendit të Komunës së Rahovecit, Esat Haxhijaha, kryesuesi i Kuvendit Komunal të Rahovecit Afrim Dina, organizon mbledhjen komomerative, në nderim të jetës dhe veprës së tij. (Salla e mbledhjeve të Kuvendit Komunal të Rahoveci, ora 15:00)

- Komuna e Gjilanit organizon Akademi Përkujtimore për Presidentin Historik Dr. Ibrahim Rugova. (Teatri i qytetit te Gjilanit, ora 16:30)

- Komuna e Rahovecit organizon debat publik me banor të fshatit Opterushë dhe fshatrave për rreth për krijimin e Zonës Ekonomike. (Objekti i Shkollës Fillore të Mesme të Ulët ”Lidhja e Prizrenit” në fshatin Opterushë, ora 17:00)