22 Shtator 2021

MD inkurajon stafin për raportimin e parregullsive dhe shkeljeve ligjore

Prishtinë, 3 gusht - Ministria e Drejtësisë organizoi sot sesion informues për zyrtarët e Ministrisë lidhur me sinjalizimin dhe mbrojtjen e sinjalizuesve.

Takimin e hapi zv. Sekretari i Përgjithshëm i Ministrisë së Drejtësisë, Ardian Bajraktari, i cili theksoi para të pranishmëve punën që është bërë në drejtim të rregullimit të legjislacionit që garanton mbrojte të sinjalizuesve.

“Kosova tashmë ka legjislacion mjaftë të avancuar në fushën e sinjalizimit dhe i cili është në harmoni me standardet më të mira ndërkombëtare. Sot, po fillojmë prej shtëpisë sonë për të njoftuar për të drejtat dhe mbrojtjen e sinjalizuesve. Sinjalizimi është raportimi i shkeljeve që ndodhin apo mund të ndodhin, andaj në kuadër të kësaj inkurajoj gjithë stafin e Ministrisë t’i raportojnë ato”, theksoi zv. sekretari, Ardian Bajraktari.

Fjalë hyrëse gjatë këtij sesioni prezantoi edhe zv. Ministri i Drejtësisë, Blerim Sallahu, i cili tha se lufta kundër korrupsionit është prioritet i Ministrisë së Drejtësisë dhe i Qeverisë së Republikës së Kosovës, dhe në këtë drejtim theksoi se zbatimi i legjislacionit për mbrojtjen e sinjalizuesve është mjet i fuqishëm në këtë drejtim.

“ Të gjitha rastet që mund të kenë dyshime për korrupsion brenda Ministrisë së Drejtësisë, ju lutem t’i raportoni. Bashkëpunimi i të gjithëve karshi kësaj dukurie kaq të egër ka shumë rëndësi në luftimin e korrupsionit”, tha zv. Ministri, z. Sallahu.

Në një format tjetër, në sesionin informues, prezantuan ekspertet e fushës së sinjalizimit, përkatësisht, znj. Feride Podvorica dhe znj. Noliana Kusari, kjo e fundit njëherësh edhe zyrtare përgjegjëse për pranimi dhe trajtimin e rasteve të sinjalizimit në Ministrinë e Drejtësisë.

Në këtë drejtim, stafi i Ministrisë së Drejtësisë u njoftuan me të drejtat e sinjalizuesit, mbrojtjen që i ofrohet atij, procedurën e pranimit dhe trajtimit të rasteve të sinjalizimit si dhe mekanizmat gjegjës.

Ministria e Drejtësisë, krahas fushatës sensibilizuese ka përgatitur dhe vendosur në objektet e Ministrisë edhe afishe informative lidhur me sinjalizimin.


 

Kalendari

Ngjarjet e datës 22 Shtator 2021

- Ministri i Shëndetësisë, Arben Vitia, raporton në Komisionin për Shëndetësi dhe Mirëqenie Sociale për menaxhimin e situatës me Covid-19. (Ndërtesa e Kuvendit, salla N302, ora 10:00)

- Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Policinë e Kosovës, OJQ-të shënojnë “Ditën Ndërkombëtare pa Makina”. (Para ndërtesës së Qeverisë, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton formon grupin punues për Projektligjin për Gjykatën Komerciale, shqyrton raportet e Komisioneve të përhershme  për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, etj,. (Ndërtesa e Kuvendit, salla N204, ora 10:00)

- Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Shqipërisë, Lindita Nikolla. (Kabineti i kryetarit, ora 10:00)

- Mbahet takimi i 203-të i Këshillit Prokurorial të Kosovës. (Përmes formës online, ora 10:00)

- Komisioni për Mbikëqyrjen e Financave Publike shqyrton rekomandimet e dala nga raporti i auditimit të performancës “Parandalimi dhe reagimi i situatave emergjente: Vërshimet”, etj. (Ndërtesa e Kuvendit, salla N10, ora 12:00)

- Komisioni për Buxhet, Punë dhe Transfere shqyrton Raportin vjetor financiar të Agjencisë Kosovare të Privatizimit, raportin vjetor Financiar i Agjencisë Kosovare për Krahasim dhe Verifikim të Pronëssi dhe Raportin vjetor Financiar i Institucionit të Avokatit të Popullit. (Ndërtesa e Kuvendit, salla C203, ora 13:00)

- Komisioni për Mbikëqyrjen e Agjencisë së Kosovës për Inteligjencë bën rishikimin e Planit të punës së Komisionit për sesionin vjeshtor. (Ndërtesa e Kuvendit, salla N302, ora 13:00)

- Instituti Kosovar për Kërkim dhe Zhvillim i Politikave dhe Qendra Kosovare për Studime të Sigurisë në bashkëpunim me Programi i Universitetit Columbia për Ndërtimin e Paqes dhe të Drejtat e Njeriut organizojnë një konferencë me temë 'Sfidat e Kosovës që vijnë Rusia dhe Kina' me Holden Triplett Agjenti Special i FBI -së dhe Drejtor për Kundërzbulimin në Këshillin e Sigurisë Kombëtare, ret. (https://zoom.us/j/98242813908?pwd=cFBiZGdMV3pRTTV3RDJBbTE5UEtVQT09, ora 16:00)