23 Maj 2019

Mbahet ushtrimi fushor për zvoglimin e rreziqeve nga fatkeqësitë

Vushtrri, 19 prill - Programi i Kombeve të Bashkuara për Zhvillim (UNDP), në bashkëpunim me Agjencinë për Menaxhimin e Emergjencave (AME) dhe partneri implementues, Kryqi i Kuq i Kosovës, organizuan sot një ushtrim fushor për zvogëlimin e rrezikut nga fatkeqësitë në fshatin Maxhunaj në komunën e Vushtrrisë.

Ushtrimi ishte pjesë e planit komunal të punës për të testuar kapacitetet operacionale në rastet e fatkeqësive natyrore dhe fatkeqësive të tjera dhe për të trajnuar më tej pjesëmarrësit në parandalimin, gatishmërinë dhe reagimin ndaj fatkeqësive në një mënyrë që u shërben nevojave të gjinive të ndryshme, si dhe ndërtimin e besimit brenda komunitetit ku po zhvillohet stërvitja.

Në ushtrim morën pjesë edhe pjesëtarë të Policisë së Kosovës, zjarrfikësve, Qendrës së Mjekësisë Familjare, përfaqësuesve të Organizatave të Shoqërisë Civile, institucioneve arsimore, komuniteteve lokale dhe të gjitha institucioneve të tjera përkatëse të Komunës së Vushtrrisë.

Rreth 200 pjesëmarrës ishin të përfshirë drejtpërdrejt në këtë ushtrim dhe më shumë se 1800 sosh në aktivitetet përgatitore, ku rreth 60% prej tyre ishin meshkuj dhe 40% femra.

Ushtrimi u zhvillua në kuadër të projektit 'Ndërtimi i Besimit përmes Reduktimit të Rrezikut nga Fatkeqësitë dhe Përfshirjes Gjinore' i financuar bujarisht nga qeveria e Japonisë qëllimi i të cilit është përshpejtimi i procesit të ndërtimit të kapaciteteve të autoriteteve përgjegjëse lokale dhe qëndrore përgjegjëse për Zvogëlimin e Rrezikut nga Fatkeqësitë.

 

Kalendari

Ngjarjet e datës 23 maj 2019 - Instituti për Politikë të Jashtme të Kosovës organizon konferencën "Politika  e Kosovës në këndveshtrim shkencor." (Hotel Sirius, ora 9:30)

- Instituti Riinvest organizon konferencën “Korrupsioni nga ana e ofertës: Perspektiva e bizneseveve”. (Hotel Swiss Diamond, ora 10:00)

- Kryeparlamentari Kadri Veseli mban konferencë për media. (Holli i Kuvendit të Kosovës, ora 10:00)

- Rrjeti Ballkanik për Gazetari Hulumtuese dhe Internews Kosova do ta publikojnë Raportin Vjetor të Monitorimit të Gjykatave për vitin 2018. (Ambientet e objektit A të Pallatit të Drejtësisë, ora 10:00)

- Themelohet Shoqata e Inovacionit Financiar, nga institucione financiare jo-bankare. (Hotel “Sirius”, ora 10:00)

- Anulohet - Forumi Ballkanik organizon tryezën rajonale "Zgjedhjet parlamentare të BE-së dhe implikimet për Kosovën dhe rajonin e Ballkanit Perëndimor". (Hotel Sirius, ora 10:00)

 - Oda Ekonomike Amerikane në Kosovë organizon tryezën e radhës të titulluar Indeksi i Zhvillimit të Sektorit të Prodhimit, ku do të prezantohen të gjeturat e një studimi mbi konkurrueshmërinë e sektorit të prodhimit. (Swiss Diamond Hotel, ora 10:30)

- E Ngarkuara me Punë Coleen Hyland do të flasë me rastin e nënshkrimit të Memorandumit të Mirëkuptimit në mes të partnerit implementues të USAID-it Qendrës për Arsim të Kosovës dhe 7 komunave. (Hoteli Emerald, ora 11:00)

- Ministri i Kulturës, Rinisë dhe Sportit, Kujtim Gashi do të organizojë ceremoninë e ndarjes së shpërblimeve për sportistët dhe trajnerët. (Kabineti i Ministrit të Kulturës, ora 11:00)

- Komisioni për Shëndetësi, Punë dhe Mirëqenie Sociale takohet me Ambasadoren e Suedisë në Kosovë znj. Karin Hernmarck - Ahliny. (Ndërtesa e Kuvendit, salla N 302, ora 11:00)

- Aleanca Kroosvare e Bizneseve organizon konferencën për media me temë "Taksa 100% a është ekonomike a politike kundër Serbisë". (Zyret e AKB-së, ora 13:00)

-  Komisioni Qendror i Zgjedhjeve shpallë rezultatet përfundimtare të zgjedhjeve të jashtëzakonshme për kryetar në komunat: Leposaviq, Zveçan, Zubin Potok dhe Mitrovicë e Veriut. (objekti i KQZ-së, ora 14:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)