24 Mars 2019

Krijohet Databaza Kombëtare e të Mbijetuarve të Dhunës në Familje

Prishtinë, 12 mars - Ministri i Drejtësisë, Abelard Tahiri, ka pritur sot në takim përfaqësueset Agjencisë së Kombeve të Bashkuara për Barazi Gjinore dhe Fuqizimin e Grave, UN Women, Vlora Nushi dhe Linda Sanaja.

Përfaqësueset nga UN Women kanë njoftuar ministrin Tahiri për krijimin e Databazës Kombëtare të të Mbijetuarve të Dhunës në Familje dhe Dhunës kundër Grave, databazë kjo që pritet të kaloj në Ministrinë e Drejtësisë, konkretisht në përgjegjësinë e Koordinatorit Kombëtar Kundër Dhunës në Familje.

Nga ana e tij, ministri Tahiri ka mirëpritur krijimin e kësaj databaze, duke ka theksuar se pavarësisht që konventat ndërkombëtare zbatohen direkt në Kosovë dhe legjislacioni është në frymën evropiane, kërkohet angazhim më i madh në vetëdijesimin e viktimave për raportimin e rasteve të dhunës në familje.

“Një problem në vendin tonë, i cili është edhe problem global, është raportimi i ulët i rasteve të dhunës në familje. Andaj, kjo databazë do të ndihmoj në rritjen e numrit të raportimeve si produkt i vetëdijesimit rreth të drejtave, rritjes së besimit në institucione dhe masave tjera mbrojtëse” ka theksuar ministri Tahiri.

Ministri Tahiri ka siguruar se do të mbetet i përkushtuar për të funksionalizuar këtë databazë, që mbështetet nga projekti i Bashkimit Evropian “T’i japim fund dhunës kundër grave në vendet e Ballkanit Perëndimor dhe Turqi: Duke zbatuar normat dhe ndryshuar mendjet”.

“Si ministër i Drejtësisë, jam i përkushtuar që të krijoj një mjedis legjislativ të përshtatshëm në përputhje me standardet ndërkombëtare për eliminimin e dhunës kundër grave; të promovoj normat dhe qëndrimet e favorshme shoqërore për barazinë gjinore dhe për të parandaluar diskriminimin dhe dhunën kundër grave.

Besoj fuqishëm se së bashku do t’i fuqizojmë gratë, përfshirë këtu edhe ato që u përkasin grupeve të cenuara, të cilët kanë përjetuar diskriminim ose dhunë” ka thënë ministri Tahiri.

 

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)