03 Mars 2021

Konferenca vjetore e Prokurorëve mbahet sot në formë virtuale

Prishtinë, 22 janar - Nën patronatin e Kryeprokurorit të Shtetit, Aleksandër Lumezi do të mbahet konferenca vjetore e Prokurorëve, e cila këtë vit për shkak të situatës me pandeminë Covid-19, organizohet në formë virtuale nëpërmjet platformës “Zoom”.

Konferenca do të hapët me fjalimin e Kryeprokurorit të Shtetit, Aleksandër Lumezi, për të vazhduar më pastaj me fjalimin e u.d Presidentes së Republikës së Kosovës, Vjosa Osmani, Ministrit të Drejtësisë në detyrë, Selim Selimi, Kryesuesit të Këshillit Prokurorial, Jetish Maloku, Ambasadorit të SHBA-së në Kosovë, Philip Kosnett, Shefit të Zyrës së BE-së, Tomas Szunyog, Ambasadorit të Zvicrës, Thomas Kolly si dhe Ambasadores së Mbretërisë së Holandës, Carin Lobbezoo.

Ndërkaq, pas fjalimeve, në pjesën e dytë, ashtu siç është e paraparë me agjendë, do të mbahen katër prezantime.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)